"وسى سوڭعى قاراباق ماسەلەسى بويىنشا ءبىزدىڭ ءورىستىلدى فەيسبۋك نە دەپ جاتىر ەكەن"' دەپ كەشە مەن ەرىنبەي ءبىزدىڭ مەن دەگەن ءورىستىلدى ءبىراز بلوگەرلەردىڭ پاراقشاسىن ارالاپ شىققان ەدىم..
ول جاق جىم - جىرت ەكەن.
ارالارىنداعى بىرەن ساراندارى عانا بۇل وقيعاعا سەلقوستاۋ عانا ءۇن قوسىپ قويىپ وتىر.
قالعانى مراك قوي، مراك. "قاراباق ساراباقتا" شارۋالارى جوق.
مىندا جەلىگىپ جۇرگەن تەك قانا ءبىز، ياعني قازاقتىلدى قاۋىم عانا ەكەنبىز.
بۇل وقيعانىڭ بۇگە شۇگەسىنە شەيىن زەرتتەپ، ساۋاتىمىز جەتكەنشە ساراپتاماسىن جازىپ، ونى دەرەۋ جاپپاي ءبولىسىپ، ولاردىڭ جەڭىسىنە قۋانىپ، جەڭىلىسىنە مۇڭايىپ، ءتىپتى كەيبىرەۋلەر باكۋگە شەيىن ۇشىپ بارىپ قولداۋ كورسەتىپ جاتىر ەكەن.
قان دەگەن بار عوي، قان. ول جىبەرمەيدى ەكەن.
ول جاعىنان ءبىزدىڭ قازاقتىلدى قازاقتار مىقتى.
ارالارىمىزدا سان عاسىرلار جاتسا دا ءبىز ءبىر اپاننىڭ بولتىرىكتەرىمىز. تۇرىك پەن ءازىربايجان ءبورى بولسا، ءبىز دە ولارمەن ۇيالاس ءبورىمىز.
ولاردىڭ جوندارىن كۇدىرەيتىپ ازۋلارىن اقسيتىپ، تىستەرىن شاقىر - شۇقىر ەتكىزىپ ىرىلداسىپ ورىس پەن ارمەنگە قارسى سويقان ۇرىس بەرىپ جاتقانىنا ءبىزدىڭ دە دەلەبەمىز قوزىپ، قانىمىز قايناپ، جالىمىز كۇدىرەيىپ ەكى اي بويى تاعات تاپپاي وتىرمىز. قاپ تاۋىنىڭ ەتەگىندەگى بورىلەردىڭ ىرىلىنا كادىمگىدەي ەلەگىزىپ وتىرعان جايىمىز بار.
ۇلى مۇحاڭنىڭ "كوكسەرەگىن" وقىساڭىزدار، انا جەرى ەستەرىڭىزدە مە;
كوكسەرەك ارقاسى جوندانىپ ارلانعا اينالعان تۇستا، اۋىل مالىنا قوس قاسقىر شاپقان كۇنى كوكسەرەك ءيىس الىپ مازاسى كەتىپ، ءبۇيىرى سولق - سولق ەتىپ، جەر تىرمالاپ كوزى شىراداي جانادى ەمەس پە، سوندا اۋىلدىڭ ادامدارى ء"اي مىنا كاپىر تۇقىمىن سەزدى، مىنانىڭ كوزىن قۇرتۋ كەرەك" دەپ شوشيدى.
شىنى كەرەك، ءبىز دە قازىر مىندا سول كوكسەرەكتىڭ كۇيىن كەشىپ وتىرمىز.
قان دەگەن وسى بولسا كەرەك.
ال انا ءورىستىلدى باۋىرلارىمىزدا ونداي سەزىم جوق سياقتى... ەكى قويىڭ ءبىر سوم...
2016 جىلى وسى قازاقتىلدى قاۋىم، جەر - جەر دەپ دۇركىرەپ، "جەر ساتىلماسىن، بەرىلمەسىن دەپ ميتينگىلەتىپ جانى قالماي جۇرگەندە، جارىقتىق ءبىزدىڭ وسى ءورىستىلدى باۋىرلارىمىز ەش سەلت ەتپەپ ەدى..
مەن ونى كورىپ ولاردىڭ سوندا جەر دەگەن ۇعىمنان الىس، قانشالىقتى ءيىسالماس ەكەنىن كورىپ تاڭعالعان ەدىم.
ولاردىڭ تىلگە قاتىستى دا ارا قاتىناسىن بىلاي دا بىلەمىز. ايتا - ايتا ابدەن جاۋىر بولعان تاقىرىپ... الداپ - سۋلاپ تا، قورقىتىپ تا تالاي ايتتىق. وعان سەلت ەتكەندەرى تىم از. مەنىڭ تۇسىنگەنىم;
ولارعا بۇل ءتىلدىڭ كەرەگى جوق.
تاعى بۇلاردىڭ انا ەسىمحانوۆ سياقتى جازعىشتارى جارالى كوتەنىن كورسە ء"بىز ءبارىمىز شەتەلگە ءبىر كۇندە كوشىپ كەتەمىز، سەندەر سوندا كىمدەرمەن قالاسىڭدار" دەپ ءوز ءورىستىلدى بيلىگىنە ەركە توقالداي توڭقاڭداپ وتىرادى. سوعان ونىڭ وقىرمان توبىرى ءولىپ تۇرىپ لايك باسىپ، انانى اۋليە كورەدى.
ياعني، بۇلاردا مەملەكەتشىلدىك دەگەن تۇسىنىك تە كۆارتيرانتتىق تۇسىنىكپەن الماسىپ جۇرە بەرەدى..
مەنى وسى تۇڭىلتەدى.
ءارى، بۇلاردىڭ، وسىنداي قاۋىمنىڭ ەلىمىزدە سانى ميلليونداعان ادام بولاتىندىعى ودان ارمەن تۇڭعيىققا باتىرادى...
قارا قازاعىم امان بولسىن.
