"Osy sońǵy Qarabaq máselesi boıynsha bizdiń orystildi feısbýk ne dep jatyr eken"' dep keshe men erinbeı bizdiń men degen orystildi biraz blogerlerdiń paraqshasyn aralap shyqqan edim..
Ol jaq jym - jyrt eken.
Aralaryndaǵy biren sarandary ǵana bul oqıǵaǵa selqostaý ǵana ún qosyp qoıyp otyr.
Qalǵany mrak qoı, mrak. "Qarabaq sarabaqta" sharýalary joq.
Mynda jeligip júrgen tek qana biz, ıaǵnı qazaqtildi qaýym ǵana ekenbiz.
Bul oqıǵanyń búge shúgesine sheıin zerttep, saýatymyz jetkenshe saraptamasyn jazyp, ony dereý jappaı bólisip, olardyń jeńisine qýanyp, jeńilisine muńaıyp, tipti keıbireýler Bakýge sheıin ushyp baryp qoldaý kórsetip jatyr eken.
Qan degen bar ǵoı, QAN. Ol jibermeıdi eken.
Ol jaǵynan bizdiń qazaqtildi qazaqtar myqty.
Aralarymyzda san ǵasyrlar jatsa da biz bir apannyń bóltirikterimiz. Túrik pen ázirbaıjan Bóri bolsa, biz de olarmen uıalas Bórimiz.
Olardyń jondaryn kúdireıtip azýlaryn aqsıtyp, tisterin shaqyr - shuqyr etkizip yryldasyp orys pen ármenge qarsy soıqan urys berip jatqanyna bizdiń de delebemiz qozyp, qanymyz qaınap, jalymyz kúdireıip eki aı boıy taǵat tappaı otyrmyz. Qap taýynyń etegindegi bórilerdiń yrylyna kádimgideı elegizip otyrǵan jaıymyz bar.
Uly Muhańnyń "Kókseregin" oqysańyzdar, ana jeri esterińizde me;
Kókserek arqasy jondanyp arlanǵa aınalǵan tusta, aýyl malyna qos qasqyr shapqan kúni Kókserek ıis alyp mazasy ketip, búıiri solq - solq etip, jer tyrmalap kózi shyradaı janady emes pe, sonda aýyldyń adamdary "áı myna kápir tuqymyn sezdi, mynanyń kózin qurtý kerek" dep shoshıdy.
Shyny kerek, biz de qazir mynda sol Kókserektiń kúıin keship otyrmyz.
QAN degen osy bolsa kerek.
Al ana orystildi baýyrlarymyzda ondaı sezim joq sııaqty... Eki qoıyń bir som...
2016 jyly osy qazaqtildi qaýym, jer - jer dep dúrkirep, "jer satylmasyn, berilmesin dep mıtıngiletip jany qalmaı júrgende, jaryqtyq bizdiń osy orystildi baýyrlarymyz esh selt etpep edi..
Men ony kórip olardyń sonda JER degen uǵymnan alys, qanshalyqty ıisalmas ekenin kórip tańǵalǵan edim.
Olardyń TILGE qatysty da ara qatynasyn bylaı da bilemiz. Aıta - aıta ábden jaýyr bolǵan taqyryp... Aldap - sýlap ta, qorqytyp ta talaı aıttyq. Oǵan selt etkenderi tym az. Meniń túsingenim;
olarǵa bul tildiń keregi joq.
Taǵy bulardyń ana esimhanov sııaqty jazǵyshtary jaraly kótenin kórse "biz bárimiz shetelge bir kúnde kóship ketemiz, sender sonda kimdermen qalasyńdar" dep óz orystildi bıligine erke toqaldaı tońqańdap otyrady. Soǵan onyń oqyrman tobyry ólip turyp laık basyp, anany áýlıe kóredi.
Iaǵnı, bularda Memleketshildik degen túsinik te kvartıranttyq túsinikpen almasyp júre beredi..
Meni osy túńiltedi.
Ári, bulardyń, osyndaı qaýymnyń elimizde sany mıllıondaǵan adam bolatyndyǵy odan ármen tuńǵıyqqa batyrady...
Qara qazaǵym aman bolsyn.
