2012 جىلدان بەرى «اق جول» دەموكراتيالىق پارتياسى، مىنە 9 جىلدان بەرى جاس عالىمداردىڭ «الاشتىڭ XXI عاسىرداعى اق جولى» عىلىمي كونفەرەنتسياسىن جىل سايىن وتكىزىپ كەلەدى. وندا قازىرگى ماسەلەلەر الاش يدەولوگياسىنىڭ كونتەكسىندە تالقىلانادى. بۇل تۋرالى پارتيانىڭ كەزەكتى قۇرىلتايىندا ازات پەرۋاشەۆ مالىمدەدى دەپ حابارلايدى «ادىرنا» ۇلتتىق پورتالى پارتيانىڭ ءباسپاسوز قىزمەتىنە سىلتەمە جاساپ.
قۇرىلتايدا ارنايى بايانداما جاساعان پارتيانىڭ توراعاسى: ءبىز «الاش» ساياسي مۇرالارىن قازاقستاندى جاڭعىرتۋدىڭ ۇلتتىق يدەياسى رەتىندە قارايمىز جانە ولاردىڭ مۇراتتارىن مەملەكەتتىك قۇرىلىستا، ەكونوميكا جانە قوعامدا تاباندىلىقپەن جىلجىتاتىن بولامىز.
الاشوردا قايراتكەرلەرى ارمانداعانداي قازاقستاننىڭ 20-25 جىلدىڭ ىشىندە ءوزىنىڭ قوعامى مەن ەكونوميكاسىن جاڭعىرتۋعا جانە الەمدە لايىقتى ورنىن الۋعا بارلىق مۇمكىندىگى بار دەگەنىنە سەنەمىز. بۇدان ءبىر عاسىر بۇرىن ولارعا جاپون تاجىريبەسى باعدار بولسا، قازىر ولارعا وڭتۇستىك كورەيا، مالايزيا، شىعىس ەۋروپا قوسىلدى.
ول ءۇشىن تابيعي بايلىق پەن ەگەمەندىك قانا ەمەس، پارلامەنتاريزم، ادال باسەكەلەستىك، رەسۋرستىق ۇلتشىلدىق، جاڭعىرۋ، اشىق جانە زايىرلى مەملەكەت سياقتى تۇپكىلىكتى قاعيداتتارعا سۇيەنە وتىرىپ وزگەرتۋگە جانە ءوزىمىز وزگەرۋ ۇشىن ساياسي جىگەر كەرەك.
- سوندىقتان ءبىزدىڭ جۇمىسىمىزدىڭ ەڭ ماڭىزدى بولىگى – قوعامعا جانە ەڭ الدىمەن جاستارعا – وزىق ءبىلىم مەن مادەنيەتكە، سونىڭ ىشىندە ساياسي مادەنيەتكە باۋلۋ.
«الاش» يدەياسى ءار قازاقتىڭ تۋا بىتكەن تابيعي ءتول بايلىعى مەن قازىناسى. «اق جول» دەموكراتيالىق پارتياسى باسقا دا قوعامدىق-ساياسي كۇشتەرمەن بۇل يدەيانى بىرلەسىپ جۇزەگە اسىرۋعا دايىن»،- دەپ مالىمدەدى.
فوتو اشىق دەرەككوزدەن الىندى.
