2012 jyldan beri «Aq jol» demokratııalyq partııasy, mine 9 jyldan beri jas ǵalymdardyń «Alashtyń XXI ǵasyrdaǵy Aq joly» ǵylymı konferenııasyn jyl saıyn ótkizip keledi. Onda qazirgi máseleler Alash ıdeologııasynyń konteksinde talqylanady. Bul týraly partııanyń kezekti quryltaıynda Azat Perýashev málimdedi dep habarlaıdy «Adyrna» ulttyq portaly partııanyń baspasóz qyzmetine silteme jasap.
Quryltaıda arnaıy baıandama jasaǵan partııanyń tóraǵasy: Biz «Alash» saıası muralaryn Qazaqstandy jańǵyrtýdyń ulttyq ıdeıasy retinde qaraımyz jáne olardyń murattaryn memlekettik qurylysta, ekonomıka jáne qoǵamda tabandylyqpen jyljytatyn bolamyz.
Alashorda qaıratkerleri armandaǵandaı Qazaqstannyń 20-25 jyldyń ishinde óziniń qoǵamy men ekonomıkasyn jańǵyrtýǵa jáne álemde laıyqty ornyn alýǵa barlyq múmkindigi bar degenine senemiz. Budan bir ǵasyr buryn olarǵa Japon tájirıbesi baǵdar bolsa, qazir olarǵa Ońtústik Koreıa, Malaızııa, Shyǵys Eýropa qosyldy.
Ol úshin tabıǵı baılyq pen egemendik qana emes, parlamentarızm, adal básekelestik, resýrstyq ultshyldyq, jańǵyrý, ashyq jáne zaıyrly memleket sııaqty túpkilikti qaǵıdattarǵa súıene otyryp ózgertýge jáne ózimiz ózgerý úshin saıası jiger kerek.
- Sondyqtan bizdiń jumysymyzdyń eń mańyzdy bóligi – qoǵamǵa jáne eń aldymen jastarǵa – ozyq bilim men mádenıetke, sonyń ishinde saıası mádenıetke baýlý.
«Alash» ıdeıasy ár qazaqtyń týa bitken tabıǵı tól baılyǵy men qazynasy. «Aq jol» demokratııalyq partııasy basqa da qoǵamdyq-saıası kúshtermen bul ıdeıany birlesip júzege asyrýǵa daıyn»,- dep málimdedi.
Foto ashyq derekkózden alyndy.
