«اق جول» دەموكراتيالىق پارتياسىنىڭ XVI سايلاۋالدى قۇرىلتايىندا ارنايى بايانداما جاساعان پارتيانىڭ توراعاسى ازات پەرۋاشەۆ شەتەلدىكتەرگە جەردى ساتۋدى عانا ەمەس، ءبىزدىڭ ەلمەن شەكتەسىپ جاتقان مەملەكەتتەردىڭ ازاماتتارى مەن كومپانيالارىنا جەردى جالعا بەرۋگە دە تىيىم سالۋدى ۇسىندى، دەپ حابارلايدى «ادىرنا» ۇلتتىق پورتالى پارتيانىڭ ءباسپاسوز قىزمەتىنە سىلتەمە جاساپ.
«وزدەرىڭىز بىلەتىندەي، كەلەسى جىلى شەتەلدىكتەرگە جەردى بەرۋگە قارسى شىققان كوپتەگەن ميتينگىلەردەن كەيىن جەردى ساتۋعا جاريالانعان موراتوري مەرزىمى اياقتالادى. وسى كەزدە «اق جول» دەموكراتيالىق پارتياسى ۇكىمەتتىڭ جەر كوميسسياسىنا – سەپاراتيستىك پيعىلداردى بولدىرماۋ ماقساتىندا شەتەلدىكتەرگە جەردى ساتۋدى عانا ەمەس، ءبىزدىڭ ەلمەن شەكتەسىپ جاتقان مەملەكەتتەردىڭ ازاماتتارى مەن كومپانيالارىنا جەردى جالعا بەرۋگە دە تىيىم سالۋدى ۇسىندى. الايدا شەنەۋنىكتەر وسى ۇسىنىستى كوميسسيانىڭ قورىتىندى حاتتاماسىنا ەنگىزبەدى. وسىعان بايلانىستى موراتوريانىڭ اياقتالۋى قارساڭىندا ءبىز تاعى دا قازاقستانمەن كورشىلەس جاتقان مەملەكەتتەردىڭ ازاماتتارى مەن كومپانيالارىنا جەردى ساتۋعا جانە جالعا بەرۋگە تىيىم سالۋدى تالاپ ەتەمىز»، -دەپ مالىمدەدى پارتيا توراعاسى.
فوتو اشىق دەرەككوزدەن الىندى.
