Jerdi satý ǵana emes, jalǵa berýge de tyıym salý kerek

2683

«Aq jol» demokratııalyq partııasynyń XVI saılaýaldy quryltaıynda arnaıy baıandama jasaǵan partııanyń tóraǵasy Azat Perýashev sheteldikterge jerdi satýdy ǵana emes, bizdiń elmen shektesip jatqan memleketterdiń azamattary men kompanııalaryna jerdi jalǵa berýge de tyıym salýdy usyndy, dep habarlaıdy «Adyrna» ulttyq portaly partııanyń baspasóz qyzmetine silteme jasap.

«Ózderińiz biletindeı, kelesi jyly sheteldikterge jerdi berýge qarsy shyqqan kóptegen mıtıngilerden keıin jerdi satýǵa jarııalanǵan moratorıı merzimi aıaqtalady. Osy kezde «Aq jol» demokratııalyq partııasy Úkimettiń jer komıssııasyna – separatıstik pıǵyldardy boldyrmaý maqsatynda sheteldikterge jerdi satýdy ǵana emes, bizdiń elmen shektesip jatqan memleketterdiń azamattary men kompanııalaryna jerdi jalǵa berýge de tyıym salýdy usyndy. Alaıda sheneýnikter osy usynysty komıssııanyń qorytyndy hattamasyna engizbedi. Osyǵan baılanysty moratorııanyń aıaqtalýy qarsańynda biz taǵy da Qazaqstanmen kórshiles jatqan memleketterdiń azamattary men kompanııalaryna jerdi satýǵa jáne jalǵa berýge tyıym salýdy talap etemiz», -dep málimdedi partııa tóraǵasy.

Foto ashyq derekkózden alyndy.

Pikirler
Redakııa tańdaýy