قازاقستان-قىتاي شەكاراسىنداعى «نۇر جولى» ۋچاسكەسىندە پوليتسەيلەر قوعامدىق ءتارتىپتى ساقتاۋدا. بۇل تۋرالى الماتى وبلىسى پد-ءنىڭ ءباسپاسوز قىزمەتى حابارلادى.
پوليتسيا دەپارتامەنتى قازاقستان-قىتاي شەكاراسىندا جۇك كولىگىنىڭ كەزەكتىلىگى مەن ولاردىڭ جىلجۋىن باقىلاۋدى پانفيلوۆ اۋدانى اكىمىنىڭ باسقاراتىن شتاب جۇزەگە اسىراتىنىن حابارلادى. جۇك كولىكتەرىنىڭ ءجۇرۋى ءۇشىن ەلەكتروندىق كەزەك قۇرىلعان.
كۇن سايىن بەينەتىركەگىشتەرمەن كامتاماسىز ەتىلگەن جيىرماعا جۋىق پوليتسيا قىزمەتكەرى پاترۋلدەۋ رەجيمىندە ەكى اۋىسىمدا قىزمەت اتقارادى. پوليتسيا قىزمەتكەرلەرى ۋچاسكەدە قوعامدىق ءتارتىپتى ساقتاۋدى قامتاماسىز ەتەدى جانە جول ەرەجەلەرىنىڭ قاتاڭ ساقتالۋىن باقىلايدى،-دەلىنگەن حابارلامادا.
وسى جىلدىڭ باسىنان بەرى «نۇر جولى» كەدەن بەكەتىنە قاتىستى 13 حابارلاما مەن ءوتىنىش تىركەلگەن. ءار ازامات جول بەرىلگەن بۇزۋشىلىق تۋرالى ءوتىنىشتى جازباشا دا، تەلەفون ارقىلى دا 8 (72 831) 51 362 جولداۋعا قۇقىلى. ازاماتتاردىڭ كەز كەلگەن ەسكەرتۋلەرى دەرەۋ قارالادى، ولاردى جويۋ بويىنشا ءىس-شارالار دەر كەزىندە قابىلدانادى.
فوتو اشىق دەرەككوزدەن الىندى
