كوپبالالى وتباسىلارعا ارنالعان تۇرعىن ءۇي سانى ارتادى

1960
Adyrna.kz Telegram

سەنات از قامتىلعان كوپبالالى وتباسىلارعا ارنالعان تۇرعىن ءۇي شىعىندارىن ۇلعايتۋدى ۇسىندى، - دەپ حابارلايدى «ادىرنا» ۇلتتىق پورتالى Baq.kz-كە سىلتەمە جاساپ.

قازاقستاندا تەك 2021 جىلى جاستار مەن از قامتىلعان كوپبالالى وتباسىلارعا ارنالعان 12,7 مىڭنان استام پاتەر سالىناتىن بولادى. بۇل ماقساتقا رەسپۋبليكالىق بيۋدجەتتەن 94,4 ملرد تەڭگە بولىنەدى.

سەنات دەپۋتاتتارى ەلىمىزدىڭ باستى قارجى قۇجاتىن زەردەلەپ، الەۋمەتتىك جوبالاردى ىسكە اسىرۋعا باسا نازار اۋداردى.

الداعى ءۇش جىلدىق كەزەڭگە ارنالعان بيۋدجەتتەگى نەگىزگى باسىمدىق - ادامداردىڭ الەۋمەتتىك ماسەلەلەرىن شەشۋ، 2021 جىلعى بيۋدجەت شىعىستارىنىڭ 50%-دان استامىن الەۋمەتتىك سالا شىعىستارى قۇرايدى، - دەدى سەنات توراعاسى ماۋلەن اشىمباەۆ.

باسپانامەن قامتاماسىز ەتىلۋى ءتيىس ادامداردىڭ قاتارىندا جۇمىس ىستەيتىن جاستار دا بار. 2021 جىلى ولارعا جالپى سوماسى 21,6 ملرد تەڭگەگە 3 مىڭ پاتەر سالۋ جوسپارلانىپ وتىر.

الداعى جىلى الەۋمەتتىك ءالسىز ساناتتاعى قازاقستاندىقتار ءوز باسپاناسىنا يە بولادى، ولارعا 4,7 مىڭ پاتەر سالىنادى، ول ءۇشىن بيۋدجەتكە 32,8 ملرد تەڭگە سالىندى.

«نۇرلى جەر» باعدارلاماسىنا جالپى العاندا 2021-2023 جىلدارعا ارنالعان رەسپۋبليكالىق بيۋدجەتتە 595 ملرد تەڭگە قاراستىرىلعان.

ەسكە سالا كەتەيىك، وسىعان دەيىن سەناتتا قر ۇلتتىق بانكىنىڭ توراعاسى ەربولات دوساەۆ سەناتتىڭ جالپى وتىرىسىندا مۇناي نارىعىنداعى جاعدايعا بايلانىستى پىكىر بىلدىرگەن ەدى.

فوتو اشىق دەرەككوزدەن الىندى

«ادىرنا» ۇلتتىق پورتالى

 

پىكىرلەر