Senat az qamtylǵan kópbalaly otbasylarǵa arnalǵan turǵyn úı shyǵyndaryn ulǵaıtýdy usyndy, - dep habarlaıdy «Adyrna» ulttyq portaly Baq.kz-ke silteme jasap.
Qazaqstanda tek 2021 jyly jastar men az qamtylǵan kópbalaly otbasylarǵa arnalǵan 12,7 myńnan astam páter salynatyn bolady. Bul maqsatqa respýblıkalyq bıýdjetten 94,4 mlrd teńge bólinedi.
Senat depýtattary elimizdiń basty qarjy qujatyn zerdelep, áleýmettik jobalardy iske asyrýǵa basa nazar aýdardy.
Aldaǵy úsh jyldyq kezeńge arnalǵan bıýdjettegi negizgi basymdyq - adamdardyń áleýmettik máselelerin sheshý, 2021 jylǵy bıýdjet shyǵystarynyń 50%-dan astamyn áleýmettik sala shyǵystary quraıdy, - dedi Senat tóraǵasy Máýlen Áshimbaev.
Baspanamen qamtamasyz etilýi tıis adamdardyń qatarynda jumys isteıtin jastar da bar. 2021 jyly olarǵa jalpy somasy 21,6 mlrd teńgege 3 myń páter salý josparlanyp otyr.
Aldaǵy jyly áleýmettik álsiz sanattaǵy qazaqstandyqtar óz baspanasyna ıe bolady, olarǵa 4,7 myń páter salynady, ol úshin bıýdjetke 32,8 mlrd teńge salyndy.
«Nurly jer» baǵdarlamasyna jalpy alǵanda 2021-2023 jyldarǵa arnalǵan respýblıkalyq bıýdjette 595 mlrd teńge qarastyrylǵan.
Eske sala keteıik, osyǵan deıin Senatta QR Ulttyq bankiniń tóraǵasy Erbolat Dosaev Senattyń jalpy otyrysynda munaı naryǵyndaǵy jaǵdaıǵa baılanysty pikir bildirgen edi.
Foto ashyq derekkózden alyndy
«Adyrna» ulttyq portaly
