شىمكەنت قالاسىنىڭ قوعامدىق كەڭەسىندە نە ايتىلدى؟

1732
Adyrna.kz Telegram

جاقىندا شىمكەنت قالاسىنىڭ قوعامدىق كەڭەسىنىڭ كەزەكتى ءماجىلىسى ءوتتى. جيىن بارىسىندا شىمكەنت قالاسىنىڭ ءبىلىم، تۇرعىن ءۇي، جۇمىسپەن قامتۋ جانە الەۋمەتتىك قورعاۋ باسقارمالارىنىڭ 10 ايدا اتقارعان جۇمىستارىنىڭ ەسەبى تىڭدالدى.

جيىنعا قاتىسقان اكىمىنىڭ ورىنباسارى ماقسۇت يساحوۆتىڭ ايتۋىنشا قالادا جولاۋشىلار كولىگىن دامىتۋ بويىنشا 8 اي زەرتتەۋ جۇمىستارى جۇرگىزىلگەن. ال قازىرگى ۋاقىتتا الىپ شاھاردا بۇل سالانى دامىتۋدا بىرقاتار جوبالار جۇزەگە اسۋدا.

ءبىلىم باسقارماسىنىڭ باسشىسى جانات تاجيەۆا ءبىلىم سالاسىنداعى كادر دايارلاۋ، ءبىلىم ساپاسىن ارتتىرۋ، باسقا دا  ماسەلەلەردى شەشۋ جولدارىنا توقتالدى.

تۇرعىن ءۇي باسقارماسىنىڭ باسشىسى عالىمجان تولەپوۆ بولسا ءوز سالاسى بويىنشا اتقارىلعان جۇمىستاردى بايانداپ، الداعى جۇمىس جوسپارلارىن تانىستىردى.

بۇدان بولەك، قوعامدىق كەڭەستىڭ وتىرىسىندا  جاسوسپىرىمدەر اراسىندا قۇقىقبۇزۋشىلىق، سىبايلاس جەمقورلىقتىڭ الدىن الۋداعى جۇمىستارعا باسا نازار اۋدارۋ قاجەتتىگى تۋرالى ايتىلدى. سونداي-اق، قوعامدىق كولىكتەگى مادەنيەتتى كوتەرۋ، جاستاردى ارەندالىق تۇرعىن ۇيمەن قامتۋداعى بىرقاتار ماسەلەلەر تالقىعا ءتۇستى.

جيىن سوڭىندا شىمكەنت قالاسى قوعامدىق كەڭەسىنىڭ قۇرامىنا وزگەرىستەر ەنگىزىلدى. اتاپ ايتار بولساق، شىمكەنت قالاسىنىڭ باس يمامى باقداۋلەت ءابدىراحمانوۆ، زەينەتكەر جانزاق الىبەكوۆ، ت.تاجىباەۆ اتىنداعى №81 جالپى ورتا مەكتەبىنىڭ ديرەكتورى شاديا جيەنوۆا، «قالالىق پەرزەنتحانا» مەملەكەتتىك كوممۋنالدىق كاسىپورنىنىڭ باس دارىگەرى مادينا كەنجەباەۆا، قر مەملەكەتتىك قىزمەت ىستەرى اگەنتتىگى شىمكەنت قالاسى بويىنشا دەپارتامەنتىنىڭ باسشىسى ءالي كومەكباەۆ جانە «اۋعانستان جانە جەرگىلىكتى سوعىس ارداگەرلەر وداعىنىڭ» توراعاسى عالىمجان مايحانوۆ كەڭەس قۇرامىنا قابىلداندى.

 

د.ارعىنگەلدى،

شىمكەنت قالاسى اكىمىنىڭ ءباسپاسوز قىزمەتى كومەگىمەن دايىندالدى

پىكىرلەر