Shymkent qalasynyń qoǵamdyq keńesinde ne aıtyldy?

1728
Adyrna.kz Telegram

Jaqynda Shymkent qalasynyń Qoǵamdyq keńesiniń kezekti májilisi ótti. Jıyn barysynda Shymkent qalasynyń bilim, turǵyn úı, jumyspen qamtý jáne áleýmettik qorǵaý basqarmalarynyń 10 aıda atqarǵan jumystarynyń esebi tyńdaldy.

Jıynǵa qatysqan ákiminiń orynbasary Maqsut Isahovtyń aıtýynsha qalada jolaýshylar kóligin damytý boıynsha 8 aı zertteý jumystary júrgizilgen. Al qazirgi ýaqytta alyp shaharda bul salany damytýda birqatar jobalar júzege asýda.

Bilim basqarmasynyń basshysy Janat Tájıeva bilim salasyndaǵy kadr daıarlaý, bilim sapasyn arttyrý, basqa da  máselelerdi sheshý joldaryna toqtaldy.

Turǵyn úı basqarmasynyń basshysy Ǵalymjan Tólepov bolsa óz salasy boıynsha atqarylǵan jumystardy baıandap, aldaǵy jumys josparlaryn tanystyrdy.

Budan bólek, qoǵamdyq keńestiń otyrysynda  jasóspirimder arasynda quqyqbuzýshylyq, sybaılas jemqorlyqtyń aldyn alýdaǵy jumystarǵa basa nazar aýdarý qajettigi týraly aıtyldy. Sondaı-aq, qoǵamdyq kóliktegi mádenıetti kóterý, jastardy arendalyq turǵyn úımen qamtýdaǵy birqatar máseleler talqyǵa tústi.

Jıyn sońynda Shymkent qalasy Qoǵamdyq keńesiniń quramyna ózgerister engizildi. Atap aıtar bolsaq, Shymkent qalasynyń bas ımamy Baqdáýlet Ábdirahmanov, zeınetker Janzaq Álibekov, T.Tájibaev atyndaǵy №81 jalpy orta mektebiniń dırektory Shadııa Jıenova, «Qalalyq perzenthana» memlekettik kommýnaldyq kásipornynyń bas dárigeri Madına Kenjebaeva, QR Memlekettik qyzmet isteri agenttigi Shymkent qalasy boıynsha departamentiniń basshysy Álı Kómekbaev jáne «Aýǵanstan jáne jergilikti soǵys ardagerler odaǵynyń» tóraǵasy Ǵalymjan Maıhanov Keńes quramyna qabyldandy.

 

D.Arǵyngeldi,

Shymkent qalasy ákiminiń baspasóz qyzmeti kómegimen daıyndaldy

Pikirler