قازاقستان شەتەلدىك ينۆەستورلارعا 25 جىل بويى جەڭىلدىك جاسايدى، دەپ حابارلايدى «ادىرنا» ۇلتتىق پورتالى «حابار 24» ارناسىنا سىلتەمە جاساپ.
بۇل تۋرالى پرەزيدەنت شەتەلدىك ينۆەستورلار كەڭەسىندە ايتتى.
«الەم ەلدەرىنىڭ تابىسى 10,7%-كە ازايدى. ءبىر جىلعا جەتەر-جەتپەس ۋاقىتتا 3,5 ترلن دوللار جوعالتتى. ينۆەستيتسيا تارتۋ وتكىر ماسەلە اينالدى. ونىڭ كولەمى بيىل 40%-كە ازايدى. كەلەسى جىلى تاعى 10%-كە تومەندەيدى. بۇل – دابىل قاعاتىن جاعداي.
قازىر الەم ەلدەرى ۆيرۋستىڭ زاردابىن تارتىپ وتىر. بۇل ىندەت قازاقستاندى دا اينالىپ وتپەدى. وسىنداي قيىن ساتتە قازاقستانعا قول ۇشىن سوزعان ينۆەستورلارعا العىس ايتقىم كەلەدى. ولار ايانىپ قالعان جوق. قال-قادىرىنشە كومەكتەستى. ءبىز ينۆەستورلاردىڭ الاڭسىز جۇمىس ىستەۋىنە ءالى دە جاعداي جاسايمىز. سوندىقتان الداعى ۋاقىتتا بىرلەسىپ قىزمەت قىلامىز دەگەنگە سەنەمىن»،-دەپ مالىمدەدى ول.
جيىن بارىسىندا ازيا دامۋ بانكىنىڭ ۆيتسە-پرەزيدەنتى دە قازاقستانعا كومەك كورسەتۋگە دايىن ەكەنىن جەتكىزدى.
«ازيا دامۋ بانكى بيىل جىزدا قازاقستانعا 1 ملرد دوللار كولەمىندە كومەك كورسەتتى. نەسيە رەتىندە بەرىلگەن قاراجات دەنساۋلىق ساقتاۋ سالاسىن دامىتۋعا جۇمسالدى. قارجىلىق داعدارىسپەن كۇرەسۋ ءۇشىن ءبىزدىڭ بانك قازاقستانعا تاعى دا كومەك كورسەتۋگە دايىن»،-دەدى اشوك لاۆاسا.
«ادىرنا» ۇلتتىق پورتالى
