شىمكەنتتە تۋعان اكەسىنەن جۇكتى بولىپ، قىز بوساندى دەگەن مەكتەپ وقۋشىسى جايىندا باسقاشا مالىمەتتەر شىعىپ جاتىر،دەپ حابارلايدى «ادىرنا» ۇلتتىق پورتالى ەۋرازيا ءبىرىنشى ارناسىنا سىلتەمە جاساپ.
قالالىق ءبىلىم باسقارماسىنىڭ باسشىسى جانات تاجيەۆانىڭ ايتۋىنشا، وقۋشىنىڭ جاسى 15-تە ەمەس 17-دە كورىنەدى. ءارى ءوز اكەسىنەن جۇكتى بولدى دەگەن اڭگىمە شىندىققا جاناسپايدى ەكەن. بىراق بويجەتكەننىڭ كىمنەن كوتەرىپ قالعانى بەلگىسىز. تۋىستارى پوليتسياعا شاعىمدانباعاندىقتان، ءىس جارتى جولدا قىسقارىپ كەتكەن.
«شىندىعىنا كەلگەندە ول 11-سىنىپتىڭ وقۋشىسى. قىزدىڭ جاسى 17-دە بولعان. وزدەرىڭىز بىلەسىزدەر، 16 جاسقا دەيىنگى ول سول ەرتە جۇكتىلىككە جاتادى. قىزدىڭ جاسى 17-گە كەلگەن. اتا-اناسىنىڭ نەمەسە باسقا دا جاقتاردان مەن قۇزىرلى ورگانداردان سۇراندىق. ەشقانداي ارىزدار كەلىپ تۇسپەگەن»،-دەدى باسقارماسا باسشىسى.
سونداي-اق، قالانىڭ باس پەداگوگى بۇل جاعدايدىڭ اقپان ايىندا بولعانىن ايتتى. شاكىرتىنىڭ اياعى اۋىر ەكەنىن سەزگەن مۇعالىمدەرى ونى كەشكى مەكتەپكە اۋىستىرىپتى. قازىرگى تاڭدا نارەستە قىزدىڭ اناسىنىڭ قامقورلىعىندا ەكەن.
ەسكە سالا كەتەيىك، بۇعان دەيىن 15 جاستاعى قىز بالانىڭ بوسانعانى جايىندا ايتىلعان. سول كەزدە شىمكەنت قالالىق ءبىلىم باسقارماسىنىڭ باس مامانى وقۋشىنىڭ جۇكتىلىگىنە اكەسىنىڭ قاتىسى بار بولۋى مۇمكىن دەگەن ەدى.
«ادىرنا» ۇلتتىق پورتالى
