Shymkentte týǵan ákesinen júkti bolyp, qyz bosandy degen mektep oqýshysy jaıynda basqasha málimetter shyǵyp jatyr,dep habarlaıdy «Adyrna» ulttyq portaly Eýrazııa birinshi arnasyna silteme jasap.
Qalalyq bilim basqarmasynyń basshysy Janat Tájıevanyń aıtýynsha, oqýshynyń jasy 15-te emes 17-de kórinedi. Ári óz ákesinen júkti boldy degen áńgime shyndyqqa janaspaıdy eken. Biraq boıjetkenniń kimnen kóterip qalǵany belgisiz. Týystary polıııaǵa shaǵymdanbaǵandyqtan, is jarty jolda qysqaryp ketken.
«Shyndyǵyna kelgende ol 11-synyptyń oqýshysy. Qyzdyń jasy 17-de bolǵan. Ózderińiz bilesizder, 16 jasqa deıingi ol sol erte júktilikke jatady. Qyzdyń jasy 17-ge kelgen. Ata-anasynyń nemese basqa da jaqtardan men quzyrly organdardan surandyq. Eshqandaı aryzdar kelip túspegen»,-dedi basqarmasa basshysy.
Sondaı-aq, qalanyń bas pedagogy bul jaǵdaıdyń aqpan aıynda bolǵanyn aıtty. Shákirtiniń aıaǵy aýyr ekenin sezgen muǵalimderi ony keshki mektepke aýystyrypty. Qazirgi tańda náreste qyzdyń anasynyń qamqorlyǵynda eken.
Eske sala keteıik, buǵan deıin 15 jastaǵy qyz balanyń bosanǵany jaıynda aıtylǵan. Sol kezde Shymkent qalalyq bilim basqarmasynyń bas mamany oqýshynyń júktiligine ákesiniń qatysy bar bolýy múmkin degen edi.
«Adyrna» ulttyq portaly
