ابورت جاساتۋعا رۇقسات بەرمەك

1318

تايلاند بيلىگى جۇكتىلىكتىڭ العاشقى 12 اپتاسىندا جاساندى تۇسىك جاساتۋعا مۇمكىندىك بەرەتىن زاڭ جوباسىن دايىندادى، دەپ حابارلايدى «ادىرنا» ۇلتتىق پورتالى Bangkok Post باسىلىمىنا سىلتەمە جاساپ.

پارلامەنت ۇكىمەت ءمينيسترى بەكىتكەن جاڭا زاڭدى 2021 جىلدىڭ اقپانىنا دەيىن قابىلدايدى دەپ كۇتىلۋدە. قۇجات ەلدىڭ قىلمىستىق كودەكسىنە ەكى تۇزەتۋ ەنگىزبەك. زاڭ جوباسى بارلىق ەرەجەلەردى ساقتاي وتىرىپ، ۇرىقتان ارىلۋعا كومەكتەسكەن دارىگەرلەردى جاۋاپكەرشىلىككە تارتپايدى. سونىمەن قاتار، جۇكتىلىكتىڭ 12 اپتاسىنان كەيىن جاساندى تۇسىك جاساتقان ايەلدەرگە سالىناتىن ايىپپۇل مولشەرىن ازايتپاق.

بۇعان دەيىن تايلاندتىڭ كونستيتۋتسيالىق سوتى ايەلدەردىڭ تۇسىك جاساتۋعا تولىق قۇقىعى بار ەكەنىن مويىنداعان ەدى. بۇل قاۋلى 2021 جىلى 13 اقپاندا كۇشىنە ەنەدى. سوت شەشىمىنە سايكەس، 1957 جىلعى قىلمىستىق كودەكستىڭ بابى تايلاند كونستيتۋتسياسىنىڭ 27 جانە 28-باپتارىنا قايشى كەلەدى. سەبەبى، ولاردا ادامنىڭ تەڭ قۇقىعى مەن بوستاندىعى بەكىتىلگەن.

ايتا كەتەيىك، وتكەن جىلى ەلدە 200 مىڭعا جۋىق ايەل جاسىرىن تۇردە تۇسىك جاساتۋعا ءماجبۇر بولعان.

«ادىرنا» ۇلتتىق پورتالى

پىكىرلەر
رەداكتسيا تاڭداۋى