عارىشتى يگەرۋگە جاڭا قادام جاسالدى

1165

جۋىردا ماسكەۋ قالاسىندا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى ب. مۋسين «روسكوسموس» عارىش قىزمەتى جونىندەگى مەملەكەتتىك كورپوراتسيانىڭ باس ديرەكتورى د. روگوزينمەن كەزدەستى.

ەكى تاراپتىڭ كەزدەسۋىندە عارىش سالاسىنداعى قازاقستان مەن رەسەي فەدەراتسياسى ىنتىماقتاستىعىنىڭ وزەكتى ماسەلەلەرى، ونىڭ ىشىندە «بايقوڭىر» كەشەنىن ودان ءارى دامىتۋدى تالقىلاندى. اتاپ ايتقاندا، «بايتەرەك» («نازارباەۆ ستارتى» دەپ تە اتالادى – اۆت.) پەن «گاگارين ستارتى» جوباسى بويىنشا ماسەلەلەر تالقىلاندى.

 

كەزدەسۋ بارىسىندا 2004 جىلعى 22 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنىن قۇرۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاماعا قول قويىلدى. قول قويعاندار –  «تسەنكي» اق باس ديرەكتورى اندرەي وحلوپكوۆ پەن «بايتەرەك» قازاقستان-رەسەي بىرلەسكەن كاسىپورنى» اق باس ديرەكتورى قۋات مۇستافينfوۆ

«بايتەرەك» عزك وبەكتىسى ەكولوگيالىق قاۋىپسىزدىكتىڭ جوعارى دەڭگەيىمەن رەسەيلىك «سويۋز-5» تاسىمالداعىش زىمىرانىمەن جانە ونىڭ ىقتيمال تۇرلەندىرۋلەرىمەن عارىش اپپاراتتارىن ۇشىرۋعا ارنالعان كەشەن. 

بۇل جوبادا رەسەي تاراپى «سويۋز-5» زىمىران تاسىعىشىن، تەحنيكالىق جانە ۇشىرۋ كەشەندەرىندە باقىلاۋ-تەكسەرۋ اپپاراتۋراسىن جاساۋدى، سونداي-اق ۇدەتكىش بلوكتىڭ، عارىش اپپاراتىنىڭ جانە عارىش باس بولىگىنىڭ تەحنيكالىق كەشەنىن جاڭعىرتۋدى قامتاماسىز ەتەدى. قازاقستان تاراپى «زەنيت-م» عارىش زىمىران كەشەنىنىڭ جەرۇستى ينفراقۇرىلىمى وبەكتىلەرىن قايتا قۇرۋ مەن جاڭعىرتۋدى جۇرگىزەدى.

«بايتەرەك» پەن «گاگارين» كەشەنىنەن العاشقى عارىشتىق زىمىران ۇشۋ 2023 جىلعا جوسپارلانعان. «گاگارين» كەشەنى بىرلەسكەن كاسىپورنىنا  قازاقستان، رەسەي جانە ءباا ەلدەرى 33,3 پايىزدان يەلىك ەتسە، «بايتەرەك» كەشەنىن قازاقستان مەن رەسەي 50 پايىزدان يەمدەنەدى. العاشقى كەشەننىڭ ينۆەستيتسيالىق كەزەڭى 2032-ءشى جىلعا دەيىن سوزىلسا، كەيىنگىسى 2062-ءشى جىلعا شەيىن جالعاسادى.

ەلىمىز عارىشتى يگەرۋ جۇمىسى بويىنشا «KazSat» پەن  «KazSat-3» اۋە كەمەسىن ءساتتى ۇشىرىپ، تەلەراديو حابارلاردىڭ تاراتىلۋى، بايلانىس قىزمەتى مەن ۇلتتىق كومپانيالاردىڭ سۇرانىستارى بويىنشا دەرەكتەر بەرۋمەن ايتانىلىسىپ كەلەدى. ماسەلەن، «KazSat-3» قىزمەتىن «وتاۋ تۆ» جۇيەسىنىڭ 1 ملن-نان استام پايدالانۋشىسى تۇتىنىپ وتىر. ال بايلانىس وپەراتورلارى شالعايداعى اۋىلداردى ينتەرنەتپەن قامتاماسىز ەتۋدە. سونداي-اق جەردى قاشىقتان زوندتاۋ جۇمىستارى جۇرگىزىلىپ كەلەدى.

 

گ.اسقار،

"ادىرنا" ۇلتتىق پورتالى

پىكىرلەر
رەداكتسيا تاڭداۋى