Ǵaryshty ıgerýge jańa qadam jasaldy

2165
Adyrna.kz Telegram

Jýyrda Máskeý qalasynda ıfrlyq damý, ınnovaııalar jáne aeroǵarysh ónerkásibi mınıstri B. Mýsın «Roskosmos» ǵarysh qyzmeti jónindegi memlekettik korporaııanyń bas dırektory D. Rogozınmen kezdesti.

Eki taraptyń kezdesýinde ǵarysh salasyndaǵy Qazaqstan men Reseı federaııasy yntymaqtastyǵynyń ózekti máseleleri, onyń ishinde «Baıqońyr» keshenin odan ári damytýdy talqylandy. Atap aıtqanda, «Báıterek» («Nazarbaev starty» dep te atalady – avt.) pen «Gagarın starty» jobasy boıynsha máseleler talqylandy.

 

Kezdesý barysynda 2004 jylǵy 22 jeltoqsandaǵy Qazaqstan Respýblıkasynyń Úkimeti men Reseı Federaııasynyń Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister men tolyqtyrýlar engizý týraly hattamaǵa qol qoıyldy. Qol qoıǵandar –  «ENKI» AQ Bas dırektory Andreı Ohlopkov pen «Báıterek» Qazaqstan-Reseı birlesken kásiporny» AQ Bas dırektory Qýat Mustafınfov

«Báıterek» ǴZK obektisi ekologııalyq qaýipsizdiktiń joǵary deńgeıimen reseılik «Soıýz-5» tasymaldaǵysh zymyranymen jáne onyń yqtımal túrlendirýlerimen ǵarysh apparattaryn ushyrýǵa arnalǵan keshen. 

Bul jobada Reseı tarapy «Soıýz-5» zymyran tasyǵyshyn, tehnıkalyq jáne ushyrý keshenderinde baqylaý-tekserý apparatýrasyn jasaýdy, sondaı-aq údetkish bloktyń, ǵarysh apparatynyń jáne ǵarysh bas bóliginiń tehnıkalyq keshenin jańǵyrtýdy qamtamasyz etedi. Qazaqstan tarapy «Zenıt-M» ǵarysh zymyran kesheniniń jerústi ınfraqurylymy obektilerin qaıta qurý men jańǵyrtýdy júrgizedi.

«Báıterek» pen «Gagarın» kesheninen alǵashqy ǵaryshtyq zymyran ushý 2023 jylǵa josparlanǵan. «Gagarın» kesheni birlesken kásipornyna  Qazaqstan, Reseı jáne BAÁ elderi 33,3 paıyzdan ıelik etse, «Báıterek» keshenin Qazaqstan men Reseı 50 paıyzdan ıemdenedi. Alǵashqy keshenniń ınvestıııalyq kezeńi 2032-shi jylǵa deıin sozylsa, keıingisi 2062-shi jylǵa sheıin jalǵasady.

Elimiz ǵaryshty ıgerý jumysy boıynsha «KazSat» pen  «KazSat-3» áýe kemesin sátti ushyryp, teleradıo habarlardyń taratylýy, baılanys qyzmeti men ulttyq kompanıalardyń suranystary boıynsha derekter berýmen aıtanylysyp keledi. Máselen, «KazSat-3» qyzmetin «Otaý TV» júıesiniń 1 mln-nan astam paıdalanýshysy tutynyp otyr. Al baılanys operatorlary shalǵaıdaǵy aýyldardy ınternetpen qamtamasyz etýde. Sondaı-aq jerdi qashyqtan zondtaý jumystary júrgizilip keledi.

 

G.Asqar,

"Adyrna" ulttyq portaly

Pikirler