«حالىق ۇنىنە قۇلاق اساتىن مەملەكە» نەمەسە «ەستۋشى مەملەكەت» - بۇل تۇجىرىمدامانى 2019 جىلى 2 قىركۇيەكتە قازاقستان رەسپۋبليكاسىنىڭ پرەزيدەنتى قاسىم – جومارت توقاەۆ ءوز جولداۋىندا ايتقان بولاتىن.
«ازاماتتاردىڭ، حالىقتىڭ بارلىق ءوتىنىش-تىلەكتەرىن جەدەل تۇردە ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ، بارلىعىمزعا ورتاق مىندەت». بيلىك پەن قوعام اراسىندا تۇراقتى ديالوگ ورناتۋ ارقىلى عانا قازىرگى گەوساياسسي احۋالعا بەيىمدەلگەن ۇيلەسىمدى مەملەكەت قالىپتاستىرۋعا بولادى. سوندىقتان ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ كەرەك. سونداي-اق، اسا ماڭىزدى جالپى مەملەكەتتىك مىندەتتەردى شەشۋ ءۇشىن تالقىلاۋ جۇمىستارىنا ازاماتتىق قوعامنىڭ مۇمكىندىكتەرىن كەڭىنەن قولدانۋ قاجەت»، دەلىنگەن جولداۋدا.
ءيا،وسى تۇجىرىمدامانىڭ ارقاسىندا بيلىك پەن قوعامنىڭ اراسىنداعى الشاقتىق، مەملەكەتتىك ورگاندار مەن قاراپايىم ازاماتتاردىڭ اراسىنداعى قارىم-قاتىناس ءبىر جۇيەگە كەلىپ، ەلىمىزدىڭ ءاربىر ازاماتىنىڭ ءۇنىن ەستيتىن مەملەكەتتىك اپپارات قالىپتاسادى دەگەن سەنىمدەمىز.
«ەستۋشى مەملەكەتتە»- ەڭ باستى ورىندا حالىقتىڭ مۇددەسى تۇرادى، مەملەكەتتىك ورگاندار مەن قوعام اراسىنداعى ءوز ارا قارىم-قاتىناس مەحانيزمى قالىپتاسقان بولۋى ءتيىس، حالىقتىڭ مەملەكەتتىڭ قابىلداعان شەشىمدەرىنە ەش كەدەرگىسىز قاتىسۋعا مۇمكىندىگى بولۋى جانە وسى شەشىمدەردى قابىلداردا ءوز پىكىرلەرىن دە اشىق جەتكىزە الۋى ءتيىس. ەستۋشى مەملەكەت تۇجىرىمداماسىندا مەملەكەتتىك ورگانداردىڭ ەڭ باستى تاپسىرماسى- ول ازاماتتاردىڭ سۇرانىستارىن قاناعاتتارىندىرا ءبىلۋى كەرەك. ەستۋشى مەملەكەتتىڭ ماقساتى – ول ازاماتتاردىڭ ءوتىنىش-تىلەكتەرىن جيناپ، قاراستىرۋ عانا ەمەس، سول وتىنىشتەردەگى ماسەلەلەردى شەشۋ ءۇشىن ازاماتتاردىڭ ءوزىن ىسكە تارتۋ جانە بولاشاقتا سول ولقىلىقتاردىڭ بولماۋى ءۇشىن شارالار قولدانۋ. بۇل تۇجىرىمداما تەك ەلدىڭ استاناسى نە بولماسا ءىرى قالالار اياسىندا عانا ەمەس ەلىمىزدىڭ تۇكپىر-تۇكپىرىن قامتيدى. ياعني شالعاي اۋىلدارداعى اكىمدەر بولسىن، مەملەكەتتىك ورگانداردىڭ وكىلدەرى بولسىن بۇدان شەت قالمايدى.
ء"بىز تسيفرلارمەن، فاكتىلەرمەن، ءىس - ارەكەتتەرمەن سەندىرە وتىرىپ، ازاماتتاردىڭ سىنىنا جانە سىندارلى ۇسىنىستارىنا جەدەل دەن قويا وتىرىپ، ولاردىڭ سەنىمىن قالپىنا كەلتىرۋىمىز كەرەك", - دەپ اتاپ وتكەن ەدى پرەزيدەنتىمىز.
وسى «حالىق ۇنىنەن قۇلاق اساتىن مەملەكەت» - تۇجىرىمداماسىن جۇزەگە اسىرۋ مەملەكەتتىك ورگاندار ءۇشىن ءدال قازىرگى كەزدە قاتتى قيىندىقتار تۋدىرمايدى دەگەن سەنىمدەمىز. ويتكەنى قازىرگى ۋاقىتتا، بارلىعىمىز دەرلىك عالامتوردى قولدانامىز، الەۋمەتتىك جەلىلەردى كەڭ كولەمدە پايدالانىمىز. مەملەكەتتىك ورگاندار، ءتىپتى سول مەملەكەتتىك ورگانداردىڭ وكىلدەرى، باسشىلارى الەۋمەتتىك جەلىلەردە ءوز پاراقشالارىن اشىپ، تىركەلىپ حالىق پەن اشىق ديالوگ قۇرۋعا ەشكىمدە كەدەرگى كەلتىرمەيدى.
«حالىقپەن ءتيىمدى كەرى بايلانىس ورناتۋ» - كەرەكتىگىن پرەزيدەنت ءوز جولداۋىندا دا تىلگە تيەك ەتكەن بولاتىن. «قوعامدىق ديالوگ، اشىقتىق، ادامداردىڭ مۇڭ-مۇقتاجىنا جەدەل نازار اۋدارۋ مەملەكەتتىك ورگاندار قىزمەتىنىڭ نەگىزگى باسىمدىقتارى سانالادى» - دەلىنگەن جولداۋدا.
قازىرگى تاڭدا «ەستۋشى مەملەكەت» تۇجىرىمداماسى شەڭبەرىندە قازاقستان رەسپۋبليكاسى قارجى مينيسترلىگىنە قاراستى مەملەكەتتىك كىرىستەر كوميتەتى نۇر-سۇلتان قالاسى بويىنشا مەملەكەتتىك كىرىستەر دەپارتامەنتىنىڭ ينستاگرامم جەلىسىندەگى پاراقشاسىندا اتالعان دەپارتامەنتتىڭ مەملەكەتتىك قىزمەتشىلەرىنىڭ قاتىسۋىمەن تىكەلەي ەفيرلەر سەرياسى باستالىپ كەتتى.
پرەزيدەنتتىڭ ءوزىنىڭ باستاماسىمەن قولعا الىنىپ، جۇزەگە اسىپ جاتقان بۇل باستاماعا ءوز ۇلەسىن قوسۋ ازاماتتارعا بەرىلگەن ۇلكەن مۇمكىندىك بولسا، شەنەۋنىكتەر ءۇشىن ءوز بىلىكتىلىكتەرىن، كاسىبيلىكتەرىن ورتاعا سالاتىن كەز.
