مەملەكەتتىك ورگان كەزەكتى رەت جالتارما جاۋاپ بەرىپ، ايدا دجەكسەننىڭ قوعامىق قورىن تىركەۋدەن باس تارتتى. «باس تارتۋدىڭ سەبەبى – قوردىڭ اتاۋىنا قاتىستى ىلىك ىزدەۋ، سونداي-اق ءبىز مۇلىكتى بەرۋ قۇقىعىن جىكتەمەدىك، دەگەنمەن قۇرىلتايشى كەلىسىمشارتىنىڭ 2.4-تارماعىندا قۇرىلتايشىلار قور مۇلىگىنە مۇلىكتىك قۇقىقتارعا يە بولا المايدى دەلىنگەن»، – دەپ جازدى ايدا دجەكسەن JexeNews (https://t.me/jexenews) تەلەگرام-كانالىندا دەپ حابارلايدى "ادىرنا" ۇلتتىق پورتالى.
مينيسترلىككە قوڭىراۋ شالۋ ارقىلى الىنعان تۇسىندىرمەلەر دە انىق بولماي شىقتى.
ادىلەت مينيسترلىگى تۇسىندىرۋدەن جانە قانداي تۇجىرىم ولاردىڭ كوڭىلدەرىنەن شىقپاعانى جايىندا ۇسىنىم بەرۋدەن باس تارتتى. ايتقاندارىنان قايتپاي،– ءوز قالاۋىڭىزشا جاز دەپ قاسارىسىپ وتىر.
قوعام بەلسەندىسى تىركەۋدىڭ ويلاستىرىلماعان جۇيەسى، زاڭدى سۋبەكتيۆتى ءتۇسىندىرۋ جانە بىلىكتىلىگى تومەن ماماندار قازاقستاندىقتاردىڭ ازاماتتىق قۇقىعىنا ءالى تالاي ۋاقىت كەدەرگى كەلتىرەدى دەگەن ويدا. ايدا دجەكسەننىڭ سايلاۋعا تاۋەلسىز باقىلاۋشى رەتىندە قاتىسۋعا نيەتى ورگان تاراپىنان قوردى تىركەۋدەن باس تارتۋىنىڭ ءبىر سەبەبى دەپ سانايدى ول. وسىعان دەيىن ايدا دجەكسەن بەلارۋستىك داۋىس بەرۋ كودتارىنا نەگىزدەلگەن داۋىس بەرۋ بويىنشا سايت قۇرۋدى جوسپارلاپ جاتقانىن مالىمدەگەن بولاتىن.
كومەك بەرۋگە ىنتا بىلدىرگەن بەلگىلى زاڭگەرلەر اسەت قۇرماشەۆ پەن ولەگ چەرنوۆ تا وسىنداي ويدا.
- مۇنداي سيتۋاتسيا بيلىك قوعامدىق ۇيىمداردى قۇرۋدى باقىلايتىنىن جانە كەز كەلگەن بەلسەندىلىك بەلگىلەرىنەن قورقاتىنىن انىق كورسەتەدى»، – دەپ سانايدى اسەت قۇرماشەۆ.
-ادىلەت مينيسترلىگى مامىلە شارتتارىن قوعامدىق ۇيىمدار قۇرىلتايشىلارىنا ءىلىپ جاتىر. ولار ىشكى قۇجاتتارعا ارالاسپاۋى كەرەك»، – دەدى ولەگ چەرنوۆ.
ايدا دجەكسەن وسى كەدەرگىگە قاراپ، توقتاپ قالماق ەمەس، ول مەملەكەتتىك قىزمەت ىستەرى اگەنتتىگىنە شاعىم، سوتقا ارىز ءتۇسىرىپ، قوردى اشۋ جونىندە ءوتىنىمدى قايتا بەرۋگە قۇجاتتار دايىنداپ جاتىر.
ايدا دجەكسەننىڭ قوعامىق قورىن تاعى دا تىركەمەدى
11.11.2020
2273
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз