امەريكانىڭ جەتەكشى بۇقارالىق اقپارات قۇرالدارىنىڭ سوڭعى مالىمەتتەرىنە سايكەس، دجو بايدەن 273-تەن 290-عا دەيىنگى سايلاۋشىلاردىڭ قولداۋىنا يە بولدى. جەڭىسكە جەتۋ ءۇشىن 270 داۋىس جەتكىلىكتى.
CNN مالىمەتى بويىنشا، پەنسيلۆانياداعى بيۋللەتەندەردىڭ 98%-ىن وڭدەگەننەن كەيىن بايدەن دونالد ترامپتىڭ 49,1%-ىنا قارسى 49,6% داۋىس الادى. داۋىستار سانىنداعى ايىرماشىلىق 34 مىڭدى قۇرايدى.
كانديدات سوڭعى قاجەتتى كورسەتكىشكە داۋىستى ساناۋ سەيسەنبىدەن باستاپ جۇرگىزىلگەن پەنسيلۆانيا شتاتىنىڭ (20 سايلاۋ داۋىسى) قورىتىندىسى بويىنشا قول جەتكىزدى.
سونىمەن بىرگە دەرەكتەردى تۇپكىلىكتى دەپ ساناۋعا بولمايدى، ويتكەنى بۇرىن شتاب جەكەلەگەن شتاتتارداعى ناتيجەلەرگە بايلانىستى سوتقا جۇگىنۋ تۋرالى شەشىم شىعارعان. دونالد ترامپتىڭ جاقتاستارى پەنسيلۆانيا، دجوردجيا، اريزونا، ميچيگان جانە ۆيسكونسيندە دەرەكتەردى قايتا قاراۋدى تالاپ ەتتى. بايدەننىڭ اينالاسىنداعىلار بۇل شتاتتاردا ءوز كانديداتتارىنىڭ مۇددەلەرىن قورعاۋعا ۋادە بەردى.
سايلاۋدىڭ سوڭعى ناتيجەلەرى بارلىق شاعىمدار قارالعاننان كەيىن جاريالانۋى مۇمكىن. سوڭعى قورىتىندىسى 14 جەلتوقساننان كەيىن ناقتى بەلگىلى بولادى.
AP مالىمەتىنە سەنسەك، قازىرگى تاڭدا سانالعان بيۋللەتەندەردىڭ 74,8 ميلليونى بايدەنگە داۋىس بەرگەن. ال 70,5 ميلليون سايلاۋشى دونالد ترامپتى قولداعان.
بۇعان دەيىنگى ەكس-پرەزيدەنت باراك وباما – 66 ميلليون داۋىس جيناسا، دونالد ترامپ – 62 ميلليون داۋىس جيناعان. دجو بايدەن وسى لاۋازىمعا كانديداتتىقتا اقش تاريحىنداعى ەڭ كوپ داۋىس جيناپ وتىر.
فوتو اشىق دەرەككوزدەن الىندى
«ادىرنا» ۇلتتىق پورتالى
