Amerıkanyń jetekshi buqaralyq aqparat quraldarynyń sońǵy málimetterine sáıkes, Djo Baıden 273-ten 290-ǵa deıingi saılaýshylardyń qoldaýyna ıe boldy. Jeńiske jetý úshin 270 daýys jetkilikti.
CNN málimeti boıynsha, Pensılvanııadaǵy bıýlletenderdiń 98%-yn óńdegennen keıin Baıden Donald Tramptyń 49,1%-yna qarsy 49,6% daýys alady. Daýystar sanyndaǵy aıyrmashylyq 34 myńdy quraıdy.
Kandıdat sońǵy qajetti kórsetkishke daýysty sanaý seısenbiden bastap júrgizilgen Pensılvanııa shtatynyń (20 saılaý daýysy) qorytyndysy boıynsha qol jetkizdi.
Sonymen birge derekterdi túpkilikti dep sanaýǵa bolmaıdy, óıtkeni buryn shtab jekelegen shtattardaǵy nátıjelerge baılanysty sotqa júginý týraly sheshim shyǵarǵan. Donald Tramptyń jaqtastary Pensılvanııa, Djordjııa, Arızona, Mıchıgan jáne Vıskonsınde derekterdi qaıta qaraýdy talap etti. Baıdenniń aınalasyndaǵylar bul shtattarda óz kandıdattarynyń múddelerin qorǵaýǵa ýáde berdi.
Saılaýdyń sońǵy nátıjeleri barlyq shaǵymdar qaralǵannan keıin jarııalanýy múmkin. Sońǵy qorytyndysy 14 jeltoqsannan keıin naqty belgili bolady.
AP málimetine sensek, qazirgi tańda sanalǵan bıýlletenderdiń 74,8 mıllıony Baıdenge daýys bergen. Al 70,5 mıllıon saılaýshy Donald Trampty qoldaǵan.
Buǵan deıingi eks-prezıdent Barak Obama – 66 mıllıon daýys jınasa, Donald Tramp – 62 mıllıon daýys jınaǵan. Djo Baıden osy laýazymǵa kandıdattyqta AQSh tarıhyndaǵy eń kóp daýys jınap otyr.
Foto ashyq derekkózden alyndy
«Adyrna» ulttyq portaly
