الماتى وبلىسىندا بورىشكەر جۇرگىزۋشىلەر ەندى ارنايى باعدارلامانىڭ كومەگىمەن ۇستالادى، دەپ حابارلايدى Stan.kz اقپارات اگەنتتىگى كتك تەلەارناسىنا سىلتەمە جاساپ.
وبلىس اۋماعىندا پوليتسيا قىزمەتكەرلەرى مەن سوت ورىنداۋشىلارى سالىقتان، اۆتوكولىك ايىپپۇلىنان جانە اليمەنتتەن زاڭسىز جالتارۋشىلاردى ىزدەيدى. وسى ۋاقىتقا دەيىن ولاردىڭ سانى 300 مىڭنان اسقان. ال ولاردىڭ قارىزدارى شامامەن 2,5 ملرد.
ارنايى باعدارلاما اۆتوكولىكتەردىڭ ۇلكەن اعىنىندا زاڭ بۇزۋشىلاردى تابۋعا كومەكتەسەدى. ول بورىشكەرلەردى ءنومىر بويىنشا انىقتاپ، دەرەكتەردى پوليتسياعا بەرەدى. ولار ءوز كەزەگىندە كولىكتى دەرەۋ توقتاتادى. وسىدان كەيىن سالىق قىزمەتكەرلەرى جۇرگىزۋشىگە قارىزدى سول جەردە تولەۋگە مىندەتتەيدى.
قارىز سومماسى از بولعان جاعدايدا جۇرگىزىشى بوستىلعانىمەن، بەرەشەگى كوپتەردىڭ كولىگى تاركىلەنەدى. ساراپشىلاردىڭ پىكىرىنشە، سالىق تولەۋدەن جالتارۋشىلار جىل سوڭىنا دەيىن ۇستالادى.
"بۇگىنگە دەيىن ءبىز 124 كولىكتى توقتاتتىق، بيۋدجەتكە 3,5 ميلليوننان استام قاراجات ءوندىرىپ الدىق. 500 مىڭ تەڭگەدەن استام قارىزى بار ءۇش كولىك ارنايى تۇراققا جىبەرىلدى", - دەپ ءتۇسىندىردى الماتى وبلىسى ىلە اۋدانى بويىنشا مەملەكەتتىك كىرىستەر دەپارتامەنتىنىڭ باستىعى نۇرلان جارمانوۆ.
