كولىك ينسپەكتسياسى زاڭسىز تاكسي جۇرگىزۋشىلەرىمەن كۇرەستى باستايدى، دەپ حابارلايدى «ادىرنا» ۇلتتىق پورتالى Kolesa.kz-كە سىلتەمە جاساپ.
بۇرىن باقىلاۋشىلار تەك پوليتسيا قىزمەتكەرلەرىمەن بىرگە جۇمىس ىستەسە، ەندى ولار زاڭ بۇزۋشىلاردى وزدەرى انىقتاي الادى.
ينسپەكتورلاردىڭ وكىلەتتىكتەرى بىرنەشە كۇننەن كەيىن جاريالانۋى ءتيىس كولىكتىك باقىلاۋ بەكەتتەرىن پايدالانۋ ەرەجەلەرىندەگى وزگەرىستەر كۇشىنە ەنگەننەن كەيىن كەڭەيەدى. قر ءىىم كولىك كوميتەتى حابارلاعانداي، بۇعان دەيىن ولاردىڭ قىزمەتكەرلەرى ىشكى ىستەر ورگاندارىمەن بىرلەسىپ رەيدتىك جانە جەدەل الدىن الۋ شارالارىن وتكىزگەن. پوستاردى پايدالانۋ ەرەجەلەرىنە تۇزەتۋلەر ەنگىزىلگەننەن كەيىن كولىكتىك باقىلاۋ ينسپەكتسيالارى تەكسەرىستەردى دەربەس، ونىڭ ىشىندە ءموبيلدى پوستاردىڭ كومەگىمەن جۇرگىزە الادى. بۇعان قوسا، زاڭ بۇزۋشىلار رەسمي جانە بەيرەسمي تاكسيلەر اراسىندا دا انىقتالادى (اۆتوموبيلدەر مەن قۇجاتتاردىڭ زاڭدى تالاپتارعا سايكەستىگى ءۇشىن).
«رەيد بارىسىندا زاڭسىز تاسىمالداۋشىلار كوپ جينالاتىن ورىندارعا: بازارلارعا، تەمىرجول جانە اۆتوبەكەتتەردىڭ جانىنداعى الاڭدارعا، ءىرى ساۋدا جانە ويىن-ساۋىق ورتالىقتارىنا جانە ت.ب. ەرەكشە نازار اۋدارىلادى. تاكسي جۇرگىزۋشىلەرى باقىلاۋ ارقىلى انىقتالادى (مىسالى، كولىككە جاپسىرىلعان بەلگى نەمەسە تاسىمالداۋ جۇزەگە اسىرىلاتىن ەلدى مەكەندى كورسەتەتىن كەستە), سونداي-اق جولاۋشىلاردى بەلگىلى ءبىر مارشرۋتقا شاقىراتىن جۇرگىزۋشىلەردىڭ ءوزىن-ءوزى قالاي ۇستايتىندىعى ارقىلى دا انىقتىلادى. كولىكتەردى ينسپەكتورلار تەكسەرۋى ءۇشىن جول ۋچاسكەلەرىن جابىلمايدى»، - دەپ حابارلادى كوميتەت.
كولىك باقىلاۋشىلارىنىڭ ايتۋىنشا، ولار رەيدتەرگە، قر قم مەملەكەتتىك كىرىستەر كوميتەتىنىڭ قىزمەتكەرلەرىمەن بىرگە شىعادى.
ەستەرىڭىزگە سالا كەتەيىك، بۇگىندە رەسمي تاكسيلەرگە قويىلاتىن تالاپتار «اۆتوموبيل كولىگى تۋرالى» زاڭدا بار. بارلىق ەرەجەلەرگە سايكەس تىركەلگەن تاكسي جۇرگىزۋشىلەرى ارنايى جولدارمەن، سونىڭ ىشىندە الماتى قالاسىنداعى BRT بويىنشا جۇرۋگە قۇقىلى.
قازاقستان رەسپۋبليكاسىنىڭ اكىمشىلىك كودەكسىنىڭ 613-بابىنا سايكەس، بەكەتتەردەگى كولىكتىك باقىلاۋ قىزمەتكەرلەرىنىڭ تالاپتارىن ورىنداماعانى (ونىڭ ىشىندە جىلجىمالى) 30 اەك ايىپپۇلمەن جازالانادى، ال سول ەرەجەنى ءبىر جىل ىشىندە قايتالاپ بۇزعانى ءۇشىن جۇرگىزۋشى 6 ايعا قۇقىعىنان ايىرىلادى.
فوتو اشىق دەرەككوزدەن الىندى
«ادىرنا» ۇلتتىق پورتالى
