Endi tirkeýsiz emin-erkin taksı júrgize almaısyz

2205
Adyrna.kz Telegram

Kólik ınspekııasy zańsyz taksı júrgizýshilerimen kúresti bastaıdy, dep habarlaıdy «Adyrna» ulttyq portaly Kolesa.kz-ke silteme jasap.

Buryn baqylaýshylar tek polıııa qyzmetkerlerimen birge jumys istese, endi olar zań buzýshylardy ózderi anyqtaı alady.

Inspektorlardyń ókilettikteri birneshe kúnnen keıin jarııalanýy tıis kóliktik baqylaý beketterin paıdalaný erejelerindegi ózgerister kúshine engennen keıin keńeıedi. QR IIM Kólik komıteti habarlaǵandaı, buǵan deıin olardyń qyzmetkerleri ishki ister organdarymen birlesip reıdtik jáne jedel aldyn alý sharalaryn ótkizgen. Postardy paıdalaný erejelerine túzetýler engizilgennen keıin kóliktik baqylaý ınspekııalary tekseristerdi derbes, onyń ishinde mobıldi postardyń kómegimen júrgize alady. Buǵan qosa, zań buzýshylar resmı jáne beıresmı taksıler arasynda da anyqtalady (avtomobılder men qujattardyń zańdy talaptarǵa sáıkestigi úshin).

«Reıd barysynda zańsyz tasymaldaýshylar kóp jınalatyn oryndarǵa: bazarlarǵa, temirjol jáne avtobeketterdiń janyndaǵy alańdarǵa, iri saýda jáne oıyn-saýyq ortalyqtaryna jáne t.b. erekshe nazar aýdarylady. Taksı júrgizýshileri baqylaý arqyly anyqtalady (mysaly, kólikke japsyrylǵan belgi nemese tasymaldaý júzege asyrylatyn eldi mekendi kórsetetin keste), sondaı-aq jolaýshylardy belgili bir marshrýtqa shaqyratyn júrgizýshilerdiń ózin-ózi qalaı ustaıtyndyǵy arqyly da anyqtylady. Kólikterdi ınspektorlar tekserýi úshin jol ýchaskelerin jabylmaıdy», - dep habarlady komıtet.

Kólik baqylaýshylarynyń aıtýynsha, olar reıdterge, QR QM Memlekettik kirister komıtetiniń qyzmetkerlerimen birge shyǵady.

Esterińizge sala keteıik, búginde resmı taksılerge qoıylatyn talaptar «Avtomobıl kóligi týraly» zańda bar. Barlyq erejelerge sáıkes tirkelgen taksı júrgizýshileri arnaıy joldarmen, sonyń ishinde Almaty qalasyndaǵy BRT boıynsha júrýge quqyly.

Qazaqstan Respýblıkasynyń Ákimshilik kodeksiniń 613-babyna sáıkes, beketterdegi kóliktik baqylaý qyzmetkerleriniń talaptaryn oryndamaǵany (onyń ishinde jyljymaly) 30 AEK aıyppulmen jazalanady, al sol erejeni bir jyl ishinde qaıtalap buzǵany úshin júrgizýshi 6 aıǵa quqyǵynan aıyrylady.

Foto ashyq derekkózden alyndy

«Adyrna» ulttyq portaly

Pikirler