ۇلى ابايدىڭ 175 جىلدىعىنا وراي شىعىس قازاقستان وبلىسىندا ەتنوس جاستارى اراسىندا «اباي وقۋلارى» رەسپۋبليكالىق بايقاۋى وتكىزىلدى. ءار وڭىردەن جارىسقا 20-عا جۋىق ادام قاتىستى.
بايقاۋعا شىمكەنت قالاسىنىڭ نامىسىن قورعاپ №88 جالپى ورتا ءبىلىم بەرەتىن مەكتەبىنىڭ مۇعالىمى پاك تەمۋر اندرەەۆيچ قاتىستى. اباي شىعارمالارىن كوركەم شەبەرلىكپەن ورىنداعان تەمۋر توپتان وزا شىعىپ باس جۇلدەگە يە بولدى.
اتالمىش جارىستا ابايدىڭ ءبىلىم، عىلىم جانە ونەر تۋرالى ولەڭدەرى، «اباي جولى» ەپوپەياسىنان 3-4 مينۋتتان تۋراتىن ءۇزىندىسى، ابايدىڭ قارا ولەڭدەرى جاتقا ايتىلدى.
سونىمەن قاتار، «ابايدىڭ ءتىلى – ادامزاتتىڭ رۋحاني قازىناسى» تاقىرىبىندا بەينەروليك دايىندالدى.
باس جۇلدەنى قانجىعاسىنا بايلاعان تەمۋر پاك بۇگىندە مەكتەپتە دەنە شىنىقتىرۋ پانىنەن ساباق بەرەدى. ول «قازاقستان رەسپۋبليكاسى اسسامبلەياسىنا 25 جىل» مەرەكەلىك مەدالىمەن ماراپاتتالعان. قازىرگى تاڭدا قازاقستان حالىقتارى اسسامبلەياسى كورەي ەتنومادەني بىرلەستىگىندە جاستار قاناتىنىڭ توراعاسى.
شىمكەنت قالاسى اكىمىنىڭ ءباسپاسوز قىزمەتى
