Uly Abaıdyń 175 jyldyǵyna oraı Shyǵys Qazaqstan oblysynda etnos jastary arasynda «Abaı oqýlary» respýblıkalyq baıqaýy ótkizildi. Ár óńirden jarysqa 20-ǵa jýyq adam qatysty.
Baıqaýǵa Shymkent qalasynyń namysyn qorǵap №88 jalpy orta bilim beretin mektebiniń muǵalimi Pak Temýr Andreevıch qatysty. Abaı shyǵarmalaryn kórkem sheberlikpen oryndaǵan Temýr toptan oza shyǵyp Bas júldege ıe boldy.
Atalmysh jarysta Abaıdyń bilim, ǵylym jáne óner týraly óleńderi, «Abaı joly» epopeıasynan 3-4 mınýttan týratyn úzindisi, Abaıdyń qara óleńderi jatqa aıtyldy.
Sonymen qatar, «Abaıdyń tili – adamzattyń rýhanı qazynasy» taqyrybynda beınerolık daıyndaldy.
Bas júldeni qanjyǵasyna baılaǵan Temýr Pak búginde mektepte dene shynyqtyrý páninen sabaq beredi. Ol «Qazaqstan Respýblıkasy Assambleıasyna 25 jyl» merekelik medalimen marapattalǵan. Qazirgi tańda Qazaqstan halyqtary Assambleıasy koreı etnomádenı birlestiginde Jastar qanatynyń tóraǵasy.
Shymkent qalasy ákiminiń baspasóz qyzmeti
