شىمكەنت: №105 مەكتەپ اۋلاسى كوگالداندىرىلادى

2075
Adyrna.kz Telegram

شىمكەنت قالاسىنىڭ اكىمى مۇرات ايتەنوۆ مىڭعا جۋىق وتباسى قونىستانعان بادام-1 تۇرعىن الابىنا باردى. بۇگىنگى تاڭدا اتالعان تۇرعىن الاپتىڭ باستى ماسەلەسى - №105 جالپى ورتا مەكتەبىنىڭ ەسكى عيماراتى بولىپ تۇر. اتا-انالاردىڭ الاڭداۋشىلىعىن نازارعا العان قالا اكىمى اپاتتى عيماراتتىڭ جاعدايىمەن تانىسىپ قايتتى.

2015 جىلى №105 ورتا مەكتەپتىڭ جانىنان 300 ورىندىق جاڭا مەكتەپ عيماراتى پايدالانۋعا بەرىلگەن. وندا قازىر 900-دەي وقۋشى ءبىلىم الادى. مەكتەپ قازاق-وزبەك تىلدەرىندە جۇرگىزىلەدى. ءبىلىم ورداسىندا 90-عا جۋىق مۇعالىم ءدارىس بەرەدى.

ال مەكتەپتىڭ ەسكى نىسانى جارامسىز كۇيدە تۇر. بالالاردىڭ قاۋىپسىزدىگىن ساقتاۋ ءۇشىن مۇرات ايتەنوۆ اپاتتى عيماراتتى تەز ارادا ءسۇرۋ تۋرالى تاپسىرما بەردى.

- مەكتەپ - بالالاردىڭ قاۋىپسىز ءبىلىم مەن تاربيەنى قاتار الاتىن نەگىزگى مەكەنى. سوندىقتان ەسكى عيماراتتى بۇزىپ، ورنىن كوگالداندىرۋ قاجەت. مەكتەپ اۋلاسىندا بالالار ەمىن-ەركىن جۇرە الۋى قاجەت، - دەدى.

الداعى ۋاقىتتا كوگالداندىرۋ جۇمىستارىن جۇرگىزۋ ءۇشىن اۋدان اكىمىنە بيۋدجەتكە ءوتىنىم بەرۋ جونىندە تاپسىرما جۇكتەدى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر