Shymkent qalasynyń ákimi Murat Áıtenov myńǵa jýyq otbasy qonystanǵan Badam-1 turǵyn alabyna bardy. Búgingi tańda atalǵan turǵyn alaptyń basty máselesi - №105 jalpy orta mektebiniń eski ǵımaraty bolyp tur. Ata-analardyń alańdaýshylyǵyn nazarǵa alǵan qala ákimi apatty ǵımarattyń jaǵdaıymen tanysyp qaıtty.
2015 jyly №105 orta mekteptiń janynan 300 oryndyq jańa mektep ǵımaraty paıdalanýǵa berilgen. Onda qazir 900-deı oqýshy bilim alady. Mektep qazaq-ózbek tilderinde júrgiziledi. Bilim ordasynda 90-ǵa jýyq muǵalim dáris beredi.
Al mekteptiń eski nysany jaramsyz kúıde tur. Balalardyń qaýipsizdigin saqtaý úshin Murat Áıtenov apatty ǵımaratty tez arada súrý týraly tapsyrma berdi.
- Mektep - balalardyń qaýipsiz bilim men tárbıeni qatar alatyn negizgi mekeni. Sondyqtan eski ǵımaratty buzyp, ornyn kógaldandyrý qajet. Mektep aýlasynda balalar emin-erkin júre alýy qajet, - dedi.
Aldaǵy ýaqytta kógaldandyrý jumystaryn júrgizý úshin aýdan ákimine bıýdjetke ótinim berý jóninde tapsyrma júktedi.
Shymkent qalasy ákiminiń baspasóz qyzmeti
