شىمكەنت قالاسىنىڭ اكىمى مۇرات ايتەنوۆ ەڭبەكشى اۋدانىن ارالاۋ بارىسىندا بازارقاقپا تۇرعىن الابىنا باردى. ونداعى وزەكتى ماسەلە بولىپ وتىرعان كارىز جۇيەسىنىڭ جۇمىسىمەن تانىستى.
بازارقاقپا تۇرعىن الابىندا ورتالىق (ماگيسترالدى) كارىز جۇيەسى تەلمان، دالابازار كوشەلەرىنەن وتكەن. كورشىلەس شاڭىراق شاعىن اۋدانىنداعى ورتالىق كارىز جۇيەسى ايبوتا كوشەسىنەن وتكەن. اتالعان كارىز جۇيەسى 2010 جىلى بىتەلىپ ىستەن شىققان.
2017 جىلى مەردىگەر مەكەمە «تكسك-ستروي» جشس-ءى 3,3 شاقىرىم كارىز جۇيەسىنە قۇرىلىس جۇمىستارىن جۇرگىزدى. ناتيجەسىندە 20 كوپقاباتتى ءۇي كارىز جۇيەسىنە قوسىلعان.
الايدا، تۇرعىن الاپقا تولىقتاي ماگيسترالدى كارىز جۇيەسىن ورناتۋدى جانە ىشكى كارىز جۇيەسىن قوسۋدى تالاپ ەتەدى. سەبەبى شايىندى لاس سۋلاردىڭ سايرام سۋ وزەنىنە اعىمىن توقتاتپاۋدان تابيعاتقا زيان كەلۋدە.
جاعدايمەن تانىس بولعان مۇرات ايتەنوۆ ورتالىق كارىز جۇيەسىن قالالىق ەنەرگەتيكا جانە شارۋاشىلىق باسقارماسىنىڭ تەڭگەرىمىنە وتكىزىپ، قايتا قۇرىلىس جۇمىستارىن جۇرگىزۋ جونىندە تاپسىرما بەردى.
شىمكەنت قالاسى اكىمىنىڭ ءباسپاسوز قىزمەتى
