Shymkent qalasynyń ákimi Murat Áıtenov Eńbekshi aýdanyn aralaý barysynda Bazarqaqpa turǵyn alabyna bardy. Ondaǵy ózekti másele bolyp otyrǵan káriz júıesiniń jumysymen tanysty.
Bazarqaqpa turǵyn alabynda ortalyq (magıstraldy) káriz júıesi Telman, Dalabazar kóshelerinen ótken. Kórshiles Shańyraq shaǵyn aýdanyndaǵy ortalyq káriz júıesi Aıbota kóshesinen ótken. Atalǵan káriz júıesi 2010 jyly bitelip isten shyqqan.
2017 jyly merdiger mekeme «TKSK-Stroı» JShS-i 3,3 shaqyrym káriz júıesine qurylys jumystaryn júrgizdi. Nátıjesinde 20 kópqabatty úı káriz júıesine qosylǵan.
Alaıda, turǵyn alapqa tolyqtaı magıstraldy káriz júıesin ornatýdy jáne ishki káriz júıesin qosýdy talap etedi. Sebebi shaıyndy las sýlardyń Saıram sý ózenine aǵymyn toqtatpaýdan tabıǵatqa zııan kelýde.
Jaǵdaımen tanys bolǵan Murat Áıtenov ortalyq káriz júıesin qalalyq energetıka jáne sharýashylyq basqarmasynyń teńgerimine ótkizip, qaıta qurylys jumystaryn júrgizý jóninde tapsyrma berdi.
Shymkent qalasy ákiminiń baspasóz qyzmeti
