شىمكەنت قالاسىندا جەر قويناۋىن پايدالانۋشىلارمەن قالا اۋماعىنداعى اۆتوموبيل جولدارىنا اۋىر جۇك كولىكتەرىنىڭ زاقىم كەلتىرمەۋ ماقساتىندا كارەردە ولشەۋ قۇرالدارىن (تارازى) ورناتۋ تۋرالى مىندەتتەمە ەنگىزىلگەن بولاتىن.
شىمكەنت قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى ماماندارىنىڭ ايتۋىنشا، وسى مىندەتتەمەنى بۇگىنگى تاڭدا تەك قانا 10 جەر قويناۋىن پايدالانۋشى ەرىكتى تۇردە ورىنداعان. قالعان 19 جەر قويناۋىن پايدالانۋشىعا ءماجبۇرلى مىندەتتەمەنى جۇكتەۋ ماقساتىندا شىمكەنت قالاسىنىڭ ەكونوميكالىق سوتىنا تالاپ ارىزدار جولداندى.
ناتيجەسىندە، بۇگىنگى تاڭدا بارلىق 19 جەر قويناۋىن پايدالانۋشىعا تارازى قۇرالدارىن ورناتۋ بويىنشا سوتتىڭ وڭ شەشىمى شىققان.
بيىل 9 ايدىڭ قورىتىندىسىنا سايكەس، باسقارما تاراپىنان جولدانعان ەسكەرتپە حاتتاردىڭ ناتيجەسى بويىنشا كەلىسىمشارت مىندەتتەمەلەرىن ورىنداماعان 16 جەر قويناۋىن پايدالانۋشىنىڭ كەلىسىمشارتتارى ەكى جاقتىڭ كەلىسىمىمەن مەرزىمىنەن بۇرىن توقتاتىلدى. ونىڭ ىشىندە، 11-ءى ەكى جاقتىڭ كەلىسىمىمەن، 5-ءى جەرگىلىكتى اتقارۋشى ورگاننىڭ حاتى بويىنشا جاسالعان.
قالا اۋماعىندا قازىرگى ۋاقىتتا قالعان جەر قويناۋىن پايدالانۋشىلاردىڭ سانى – 22. ونىڭ ىشىندە: 10 – قۇمدى-شاعال قوسپاسىن، 11 – توپىراقتى جانە 1-ءى كۆارتس قۇمىن وندىرەتىندەر.
شىمكەنت قالاسى اكىمىنىڭ ءباسپاسوز قىزمەتى
