Shymkent qalasynda jer qoınaýyn paıdalanýshylarmen qala aýmaǵyndaǵy avtomobıl joldaryna aýyr júk kólikteriniń zaqym keltirmeý maqsatynda karerde ólsheý quraldaryn (tarazy) ornatý týraly mindetteme engizilgen bolatyn.
Shymkent qalasynyń tabıǵı resýrstar jáne tabıǵat paıdalanýdy retteý basqarmasy mamandarynyń aıtýynsha, osy mindettemeni búgingi tańda tek qana 10 jer qoınaýyn paıdalanýshy erikti túrde oryndaǵan. Qalǵan 19 jer qoınaýyn paıdalanýshyǵa májbúrli mindettemeni júkteý maqsatynda Shymkent qalasynyń ekonomıkalyq sotyna talap aryzdar joldandy.
Nátıjesinde, búgingi tańda barlyq 19 jer qoınaýyn paıdalanýshyǵa tarazy quraldaryn ornatý boıynsha sottyń oń sheshimi shyqqan.
Bıyl 9 aıdyń qorytyndysyna sáıkes, basqarma tarapynan joldanǵan eskertpe hattardyń nátıjesi boıynsha kelisimshart mindettemelerin oryndamaǵan 16 jer qoınaýyn paıdalanýshynyń kelisimsharttary eki jaqtyń kelisimimen merziminen buryn toqtatyldy. Onyń ishinde, 11-i eki jaqtyń kelisimimen, 5-i jergilikti atqarýshy organnyń haty boıynsha jasalǵan.
Qala aýmaǵynda qazirgi ýaqytta qalǵan jer qoınaýyn paıdalanýshylardyń sany – 22. Onyń ishinde: 10 – qumdy-shaǵal qospasyn, 11 – topyraqty jáne 1-i kvar qumyn óndiretinder.
Shymkent qalasy ákiminiń baspasóz qyzmeti
