شىمكەنت قالاسىنىڭ اۋدان اۋماقتارىندا قىسقى جىلۋ ماۋسىمىنا دايىندىق جۇمىستارى پىسىقتالدى.
ماسەلەن، اباي اۋدانىندا 453 كوپقاباتتى تۇرعىن ءۇيدىڭ 415-ءى ورتالىق جىلۋ جۇيەسىنە قوسىلعان بولسا، ولاردىڭ بارلىعى بۇگىندە قىسقى جىلۋ ماۋسىمىنا دايىن. ال 38 كوپقاباتتى ءۇي جەكە قازاندىققا كوشكەن.
اتاپ ايتقاندا، «قۋاتجىلۋ سەرۆيس» جشس – 225, «جيلكومحوز شىمكەنت» جشس – 38 جانە «نۇر-د» جشس بويىنشا 28 ءۇي قىسقى ماۋسىمعا دايىندالدى.
اۋدان اكىمى ب. پارمانوۆتىڭ ايتۋىنشا، قىسقى جىلۋ ماۋسىمىندا قاتتى وتىندى (كومىر) پايدالاناتىن 3 987 جەكە تۇرعىن ۇيگە 19 935 توننا كومىردىڭ قاجەتتىلىگى بار بولعان. بۇگىنگى تاڭدا، كورسەتىلگەن 3 987 وتباسىعا 19 935 توننا كومىر تاسىمالدانىپ، تولىعىمەن قامتاماسىز ەتىلدى.
سونىمەن قاتار، اۋدانداعى دەبيتورلىق قارىز كولەمى 192,2 ملن تەڭگەنى قۇراپ وتىر. 10 اي ىشىندە 128,6 ملن تەڭگە قارىز وندىرىلگەن نەمەسە 39 % - عا ازايعان. دەبيتورلىق قارىزداردى ءوندىرۋ بويىنشا تۇرعىندارعا «قۋاتجىلۋ» مەكەمەسىمەن بىرلەسە ءتۇسىندىرۋ جۇمىستارىن جۇرگىزۋ، قارىزى بار ازاماتتارعا تۇرعىن جايى جانە جۇمىس ورنى بويىنشا ەسكەرتۋ پاراقتارىن تاراتۋ جۇمىستارى قولعا الىندى.
شىمكەنت قالاسى اكىمىنىڭ ءباسپاسوز قىزمەتى
