Shymkent qalasynyń aýdan aýmaqtarynda qysqy jylý maýsymyna daıyndyq jumystary pysyqtaldy.
Máselen, Abaı aýdanynda 453 kópqabatty turǵyn úıdiń 415-i ortalyq jylý júıesine qosylǵan bolsa, olardyń barlyǵy búginde qysqy jylý maýsymyna daıyn. Al 38 kópqabatty úı jeke qazandyqqa kóshken.
Atap aıtqanda, «Qýatjylý servıs» JShS – 225, «Jılkomhoz Shymkent» JShS – 38 jáne «Nur-D» JShS boıynsha 28 úı qysqy maýsymǵa daıyndaldy.
Aýdan ákimi B. Parmanovtyń aıtýynsha, qysqy jylý maýsymynda qatty otyndy (kómir) paıdalanatyn 3 987 jeke turǵyn úıge 19 935 tonna kómirdiń qajettiligi bar bolǵan. Búgingi tańda, kórsetilgen 3 987 otbasyǵa 19 935 tonna kómir tasymaldanyp, tolyǵymen qamtamasyz etildi.
Sonymen qatar, aýdandaǵy debıtorlyq qaryz kólemi 192,2 mln teńgeni qurap otyr. 10 aı ishinde 128,6 mln teńge qaryz óndirilgen nemese 39 % - ǵa azaıǵan. Debıtorlyq qaryzdardy óndirý boıynsha turǵyndarǵa «Qýatjylý» mekemesimen birlese túsindirý jumystaryn júrgizý, qaryzy bar azamattarǵa turǵyn jaıy jáne jumys orny boıynsha eskertý paraqtaryn taratý jumystary qolǵa alyndy.
Shymkent qalasy ákiminiń baspasóz qyzmeti
