اقش پرەزيدەنتتىگىنە ۇمىتكەر دجوزەف بايدەنگە اقش سايلاۋىندا جەڭىسكە جەتكىزە الاتىن نەۆادا بيلىگى بەيسەنبى كۇنى تاڭەرتەڭ ەمەس، سارسەنبىدە (جەرگىلىكتى ۋاقىت بويىنشا) داۋىستارعا بايلانىستى جاڭارتىلعان اقپاراتتى جاريالاۋعا تىرىسادى.
بۇل تۋرالى NBC تەلەارناسى ۆيتسە-گۋبەرناتوردىڭ رەسمي وكىلى دجەننيفەر راسسەللگە سىلتەمە جاساپ حابارلادى.
«ءدال قازىر حالىق پەن شتاتتاردىڭ ناتيجەگە دەگەن قىزىعۋشىلىق دەڭگەيىن ءبىلىپ وتىرمىز جانە دەرەكتەردى قول جەتىمدى بولعان كەزدە جاڭارتامىز»، - دەدى ول.
راسسەللدىڭ ايتۋىنشا، جاڭارتىلعان اقپاراتتى بەيسەنبىگە دەيىن كۇتۋگە بولادى. الايدا نەۆادا ۆيتسە-گۋبەرناتورىنىڭ وكىلى بۇل قاشان بولاتىنىن ناقتى ايتپادى.
باربارا سەگاۆسكي شتاتىنىڭ ۆيتسە-گۋبەرناتورى سارسەنبىدە جاريالانعان حابارلامادا 5 قاراشادان باستاپ داۋىس بەرۋدىڭ الدىن-الا ناتيجەلەرىن شىعىس جاعالاۋىنىڭ ۋاقىتى بويىنشا 09:00-دە (نۇر-سۇلتان ۋاقىتىمەن 20:00) جاڭارتۋ جوسپارلانعانىن ايتتى.
قازىرگى ۋاقىتتا نەۆادادا 3 قاراشادا سايلاۋ كۇنى تولتىرىلعان جانە وسى كۇنگە دەيىن پوشتا ارقىلى جىبەرىلگەن بيۋللەتەندەر تەكسەرىلۋدە.
نەۆاداداعى جەڭىس اقش پرەزيدەنتتىگىنە ۇمىتكەرگە پرەزيدەنت بولۋ ءۇشىن قاجەت 270 داۋىستىڭ التى داۋىسىن بەرەدى. CNN-ءدىڭ حابارلاۋىنشا، نەۆادا شتاتىندا دەموكراتيالىق پارتيادان پرەزيدەنتتىككە ۇمىتكەر دجوزەف بايدەن 86% داۋىسپەن رەسپۋبليكاشىل دونالد ترامپتان وزىپ تۇر.
Eadaily.com سايتىنان الىندى.
«ادىرنا» ۇلتتىق پورتالى
