اقش-تاعى سايلاۋ ۆاشينگتونداعى تۇنگى ساعات 00.00-دە (نۇر-سۇلتان ۋاقىتىمەن 12.00) الياسكاداعى سايلاۋ ۋچاسكەلەرىنىڭ جابىلۋىمەن رەسمي تۇردە اياقتالدى، دەپ حابارلايدى «ادىرنا» ۇلتتىق پورتالى ريا نوۆوستيگە سىلتەمە جاساپ.
بۇعان قاراماستان، پەنسيلۆانيا شتاتى مەن قوسا بىرقاتار شتاتتا سايلاۋ رەسمي اياقتالعاننان كەيىن دە بىرنەشە كۇن ىشىندە بيۋللەتەندەردى قابىلداۋعا جانە ساناۋعا مۇمكىندىك بەرىلەدى.
3 قاراشادا اقش-تا جالپى سايلاۋ ءوتتى. پرەزيدەنت پەن ۆيتسە-پرەزيدەنت، بارلىعى 435 وكىلدەر پالاتاسىنىڭ مۇشەلەرى، سەناتتىڭ شامامەن ۇشتەن ءبىر بولىگى (35 سەناتور), 11 شتاتتىڭ جانە ەكى اۋماقتىڭ گۋبەرناتورلارى، سونداي-اق بىرنەشە شتاتتىڭ جەرگىلىكتى زاڭ شىعارۋشى ورگاندارى سايلاناتىن بولادى.
الدىن الا ناتيجەلەرگە سايكەس، بايدەنگە – 224, ترامپقا – 213 داۋىس بەردى. جەڭىسكە جەتۋ ءۇشىن كانديداتتاردىڭ ءبىرى 270 سايلاۋ داۋىسىن الۋى كەرەك.
فوتو اشىق دەرەككوزدەن الىندى
«ادىرنا» ۇلتتىق پورتالى
