ۇيعىر اۋدانىندا شىمىلدىعىن اشقان «قارادالا» حالىق تەاترى 2 قاراشا كۇنى ساعات 17:00-دە ب.ريموۆا اتىنداعى تالدىقورعان دراما تەاترىندا اباي پوەماسىنىڭ جەلىسىمەن «ەسكەندىر» قويىلىمىنىڭ پرەمەراسىنا ارنالعان پرەسس-كونفەرەنتسيا وتكىزدى.
ءىس-شاراعا قر حالىق ءارتيسى تۇڭعىشباي جامانقۇلوۆ، قر ەڭبەك سىڭىرگەن قايراتكەرى بەكجان تۇرىس، سونداي-اق الماتى وبلىسى ءماسليحاتى دەپۋتاتى - ىزعاربەك بەكتۇرسىنوۆ، قويۋشى-رەجيسسەر - اسقار نايمانتاەۆ جانە اۋدان اكىمىنىڭ ورىنباسارى قادىرجان يساحانوۆ قاتىستى. الماتى وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى كولباۆ مارلەن قاپاشۇلى مودەراتور بولدى.
«ەسكەندىر» - ابايدىڭ گۋمانيستىك كوزقاراسىن تەرەڭىرەك تانىتاتىن ەلەۋلى سيۋجەتتى تۋىندىسى. شىعارما شىعىستا ەسكەندىر زۇلقارنايىن دەگەن اتپەن بەلگىلى، ەۋروپادا الەكساندر ماكەدونسكي اتالاتىن ەجەلگى گرەك قولباسشىسىنىڭ ءومىرى جايىنداعى اڭىزعا قۇرىلعان. اۆتور ەسكەندىردىڭ ومىرباياندىق دەرەكتەرىن ءدال كەلتىرەدى دە، ونىڭ دۇنيە ءجۇزىن جاۋلاپ الماق بولعان شاپقىنشىلىق ساياساتىن سىناۋعا اۋىسادى. پەسادا جاۋىزدىققا جەتەلەيتىن تويىمسىزدىق ەكەنىن كورسەتە كەلىپ، ادىلدىك، دانالىقتى سوعان قارسى قويادى.
شىعارمانىڭ اۆتورى – اباي قۇنانبايۇلى. سپەكتاكلدىڭ قويۋشى-رەجيسسەرى – اسقار نايمانتاەۆ.
«ادىرنا» ۇلتتىق پورتالى
