Uıǵyr aýdanynda shymyldyǵyn ashqan «Qaradala» halyq teatry 2 qarasha kúni saǵat 17:00-de B.Rımova atyndaǵy Taldyqorǵan drama teatrynda Abaı poemasynyń jelisimen «Eskendir» qoıylymynyń premerasyna arnalǵan press-konferenııa ótkizdi.
Is-sharaǵa QR Halyq artısi Tuńǵyshbaı Jamanqulov, QR eńbek sińirgen qaıratkeri Bekjan Turys, sondaı-aq Almaty oblysy máslıhaty depýtaty - Yzǵarbek Bektursynov, qoıýshy-rejısser - Asqar Naımantaev jáne aýdan ákiminiń orynbasary Qadyrjan Isahanov qatysty. Almaty oblysy mádenıet, arhıvter jáne qujattama basqarmasynyń basshysy Kólbav Marlen Qapashuly moderator boldy.
«Eskendir» - Abaıdyń gýmanıstik kózqarasyn tereńirek tanytatyn eleýli sıýjetti týyndysy. Shyǵarma Shyǵysta Eskendir Zulqarnaıyn degen atpen belgili, Eýropada Aleksandr Makedonskıı atalatyn ejelgi grek qolbasshysynyń ómiri jaıyndaǵy ańyzǵa qurylǵan. Avtor Eskendirdiń ómirbaıandyq derekterin dál keltiredi de, onyń dúnıe júzin jaýlap almaq bolǵan shapqynshylyq saıasatyn synaýǵa aýysady. Pesada jaýyzdyqqa jeteleıtin toıymsyzdyq ekenin kórsete kelip, ádildik, danalyqty soǵan qarsy qoıady.
Shyǵarmanyń avtory – Abaı Qunanbaıuly. Spektakldiń qoıýshy-rejısseri – Asqar Naımantaev.
«Adyrna» ulttyq portaly
