1 تسەنتنەردەن استام ماريحۋانا تاركىلەندى

2446
Adyrna.kz Telegram

تۇركىستان وبلىسىنىڭ پوليتسەيلەرى ەسىرتكى تاسىمالداۋشىلاردان 1 تسەنتنەردەن استام ماريحۋانا تاركىلەدى، – دەپ حابارلايدى «ادىرنا» ۇلتتىق پورتالى قر ءىىم-نە سىلتەمە جاساپ.

بۇگىن بريفينگتە تۇركىستان وبلىسى پوليتسيا دەپارتامەنتى باستىعىنىڭ ورىنباسارى قۇرمانبەك ساحوۆ وبلىس اۋماعىنان اسا ءىرى كولەمدە ەسىرتكىنى زاڭسىز تاسىمالداۋدىڭ ەكى جايتىنىڭ جولى كەسىلگەندىگىن ايتقان.

– «وتكەن جۇما جانە سەنبى كۇندەرى “قاراسورا” مەن “قۇقىقتىق ءتارتىپ” جەدەل-پروفيلاكتيكالىق ءىس-شارالارى اياسىندا پوليتسەيلەر ەسىرتكى زاتتارىنىڭ ەكى ءىرى پارتياسىن تاركىلەدى. ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى مەن تۇركىستان وبلىسى پد جپق پاترۋلدىك پوليتسيا باتالونىنىڭ بىرلەسكەن وپەراتسياسى ناتيجەسىندە ءبىرىنشى جايت بويىنشا 60 كگ ماريحۋانا، ال ەكىنشىسىندە 48 كەلى ەسىرتكى تاركىلەندى»،-دەدى ول.

ايتا كەتەيىك، قازىرگى ۋاقىتتا اتالعان جايتتار بويىنشا قر قك-ءنىڭ 296 (ەسىرتكىنى وتكىزۋ ماقساتىنسىز زاڭسىز پايدالانۋ) مەن 297 (ەسىرتكىنى وتكىزۋ ماقساتىندا زاڭسىز ساقتاۋ،تاسىمالداۋ نەمەسە وتكىزۋ) باپتارىمەن سوتقا دەيىنگى تەرگەۋ جۇمىستارى باستالدى.

«ادىرنا» ۇلتتىق پورتالى

پىكىرلەر