31 قازان، سەنبى كۇنى اقتوبە وبلىسىنىڭ اكىمى وڭداسىن ورازالين اباتتاندارۋ جۇمىستارى مەن جولداردىڭ جوندەلۋ قارقىنىن باقىلاۋ ماقساتىندا بىرقاتار نىسانداردى ارالادى. ايماق باسشىسى قاراتاەۆ كوشەسى بويىنا جاڭادان سالىنعان بالالار ويىن الاڭى، فۋتبول الاڭى، سپورتپەن اينالىسۋعا ارنالعان تۋرنيك الاڭدارىنىڭ ساپاسىن قارادى. جالپى نىسانداردى سالۋعا 11 ملن تگ قارجى بولىنگەن. بۇدان سوڭ ابۋباكىر كەردەرى، جەڭىس داڭعىلىن جاياۋ ارالاعان وبلىس اكىمى ەكى قاباتتى تۇرعىن ۇيلەردىڭ كونەرگەن شاتىرلارىن الداعى جىلى اۋىستىرۋ مۇمكىندىكتەرىن قاراستىرۋ قاجەتتىگىن ايتتى. قالا اكىمىنە جەڭىس داڭعىلى بويىنا ورنالاستىرىلعىن تەمىر قورشاۋلاردى الۋ جونىندە تاپسىرما بەردى.
«كەلەشەكتە مەتالل قورشاۋلاردى تۇگەل الىپ ، «كەدەرگىسىز قالا» باعدارلاماسىن جۇيەلى ىسكە اسىرۋ قاجەت. سەبەبى، زامان تالابىنا ساي قالا ءىشى كەڭ ءارى جاياۋ جۇرگىنشىلەرگە قولايلى بولۋى كەرەك. كەرسىنشە، كوگالدى جەلەكتەردىڭ سانىن ارتتىرۋ قولعا الىنسىن»-دەدى وڭداسىن ورازالين.
ءوڭىر باسشىسى ماحامبەتوۆ، قاراتاەۆ، گرەشينا، بەرەگوۆايا، جيەنباەۆ كوشەلەرىنىڭ ورتاشا جوندەۋ جۇمىستارىمەن تانىسىپ، پاركوۆايا، ميرا، قاراتاەۆ، ماحامبەت كوشەلەرىنىڭ جوندەۋىن قاراشا ايىندا اياقتاۋعا ۋاقىت بەردى. وڭداسىن ورازالين «سەلماش» اۋدانى ارىنوۆ كوشەسىندەگى كوپىردىڭ قۇرىلىسىن باقىلادى. اياقتالعان جوباعا پوليتسيا قىزمەتكەرلەرى تاراپىنان بىرقاتار تالاپتار قويىلعان. وبلىس اكىمى جول ەرەجەلەرى بەلگىلەرىنە بايلانىستى كەمشىلىكتەردى قالىپقا كەلتىرىپ، كوپىردى تەز ارادا پايالانۋعا بەرۋدى تاپسىردى. كولەمى 696 م بولاتىن كوپىردىڭ جوندەۋىنە 2,7 ملرد. تگ قارالعان بولاتىن.
ءوڭىر باسشىسى بۇدان سوڭ «شاعالا» اقتوبە وبلىستىق بالالار سۇيەك وكپە تۋبەركۋلەزى ساناتورياسىندا بولدى. پاندەميانىڭ ەكىنشى تولقىنى ورىن الا قالعان جاعدايدا دايىندىق شارالارىنىڭ بارىسىن قارادى. مەكەمە ماتەريالدىق تەحنيكالىق بازالارمەن تولىق جابدىقتالعان. 150 ورىن ازىرلەنىپ، 11 دانا جاساندى اۋا بەرۋ اپپاراتى مەن 44 دانا كيسلورودتى كونتسەنتراتسيا جەتكىزىلگەن. ودان وزگە اقش، رەسەي، قىتاي، ۋكراينا، پورتۋگاليا مەملەكەتتەرىنەن كەلگەن گۋمانيتارلىق كومەكتەر قويمادا ارتىعىمەن ساقتاۋلى.
