31 qazan, senbi kúni Aqtóbe oblysynyń ákimi Ońdasyn Orazalın abattandarý jumystary men joldardyń jóndelý qarqynyn baqylaý maqsatynda birqatar nysandardy aralady. Aımaq basshysy Qarataev kóshesi boıyna jańadan salynǵan balalar oıyn alańy, fýtbol alańy, sportpen aınalysýǵa arnalǵan týrnık alańdarynyń sapasyn qarady. Jalpy nysandardy salýǵa 11 mln tg qarjy bólingen. Budan soń Ábýbákir Kerderi, Jeńis dańǵylyn jaıaý aralaǵan oblys ákimi eki qabatty turǵyn úılerdiń kónergen shatyrlaryn aldaǵy jyly aýystyrý múmkindikterin qarastyrý qajettigin aıtty. Qala ákimine Jeńis dańǵyly boıyna ornalastyrylǵyn temir qorshaýlardy alý jóninde tapsyrma berdi.
«Keleshekte metall qorshaýlardy túgel alyp , «Kedergisiz qala» baǵdarlamasyn júıeli iske asyrý qajet. Sebebi, zaman talabyna saı qala ishi keń ári jaıaý júrginshilerge qolaıly bolýy kerek. Kersinshe, kógaldy jelekterdiń sanyn arttyrý qolǵa alynsyn»-dedi Ońdasyn Orazalın.
Óńir basshysy Mahambetov, Qarataev, Greshına, Beregovaıa, Jıenbaev kósheleriniń ortasha jóndeý jumystarymen tanysyp, Parkovaıa, Mıra, Qarataev, Mahambet kósheleriniń jóndeýin qarasha aıynda aıaqtaýǵa ýaqyt berdi. Ońdasyn Orazalın «Selmash» aýdany Arynov kóshesindegi kópirdiń qurylysyn baqylady. Aıaqtalǵan jobaǵa polıııa qyzmetkerleri tarapynan birqatar talaptar qoıylǵan. Oblys ákimi jol erejeleri belgilerine baılanysty kemshilikterdi qalypqa keltirip, kópirdi tez arada paıalanýǵa berýdi tapsyrdy. Kólemi 696 m bolatyn kópirdiń jóndeýine 2,7 mlrd. tg qaralǵan bolatyn.
Óńir basshysy budan soń «Shaǵala» Aqtóbe oblystyq balalar súıek ókpe týberkýlezi sanatorııasynda boldy. Pandemııanyń ekinshi tolqyny oryn ala qalǵan jaǵdaıda daıyndyq sharalarynyń barysyn qarady. Mekeme materıaldyq tehnıkalyq bazalarmen tolyq jabdyqtalǵan. 150 oryn ázirlenip, 11 dana jasandy aýa berý apparaty men 44 dana kıslorodty konentraııa jetkizilgen. Odan ózge AQSh, Reseı, Qytaı, Ýkraına, Portýgalıa memleketterinen kelgen gýmanıtarlyq kómekter qoımada artyǵymen saqtaýly.
