فيرۋزا ءشارىپوۆا سەربيالىق بوكسشىدان باسىم ءتۇستى

3074
Adyrna.kz Telegram

ماسكەۋ قالاسىنداعى «كەڭەستەر قاناتى» سپورت كەشەنىندە كاسىپقوي بوكس كەشى ءوتىپ جاتىر. وندا قازاقستاندىق سپورتشى فيرۋزا ءشارىپوۆا (11-1, 6 كو) ونەر كورسەتتى. بۇل تۋرالى Sports.kz سايتىنا سىلتەمە جاساپ "ادىرنا" ۇلتتىق پورتالى حابارلايدى.

ءشارىپوۆا سەربيالىق سارا ماريانوۆيچپەن (7-7, 3 كو) كەزدەستى. سەگىز راۋندقا جوسپارلانعان جەڭىل سالماقتاعى جەكپە-جەك تورەشىلەردىڭ ءبىراۋىزدى شەشىمىمەن قازاقستاندىق بوكسشىنىڭ جەڭىسىمەن اياقتالدى. وسىلايشا، فيرۋزا ءشارىپوۆا پروفي-رينگتەگى 12-ءىنشى جەڭىسىنە قول جەتكىزدى.

26 جاستاعى سپورتشىمىز ءۇشىن بۇل – 2020 جىلعى ەكىنشى كەزدەسۋ. بۇعان دەيىن ول تامىز ايىندا تانزانيا وكىلى حەپپي ءداۋديدى (9-7-1, 4 كو) بەسىنشى راۋندتا نوكاۋتقا جىبەرگەن بولاتىن.

سەربيالىق سارا ماريانوۆيچ بۇگىن ءوز مانسابىندا سەگىزىنشى رەت جەڭىلدى. ماسكەۋدەگى بوكس كەشىن «Qazsport»تەلەارناسى مەن SHAMO BOXING Youtube-ارناسىنان تىكەلەي ەفيردەن كورۋگە بولادى.

كەش حەدلاينەرلەرى – رەسەيلىك بوكسشىلار ءشامىل حاتاەۆ (4-0, 1 كو) پەن گراچيا مارگاريان (7-1-1, 5 كو). ولار ورتا سالماقتا WBA Asia چەمپيونى تيتۋلى ءۇشىن ايقاسادى.

 

سۋرەت اۆتورى سەريكجان كوۆلانباەۆ

پىكىرلەر