4 شىلدەگە قاراعان ءتۇنى ماسكەۋگە تاعى دا ۇشقىشسىز ۇشۋ اپپاراتتارىمەن جاپپاي شابۋىل جاسالدى، دەپ حابارلايدى "ادىرنا" ۇلتتىق پورتالى.
ماسكەۋ مەرى سەرگەي ءسوبيانيننىڭ مالىمەتىنشە، قالاعا باعىتتالعان 20-دان استام درون رەسەيدىڭ اۋە قورعانىس كۇشتەرى تاراپىنان اتىپ تۇسىرىلگەن. قازىر قۇلاعان بولشەكتەر تۇسكەن جەرلەردە توتەنشە جاعداي قىزمەتتەرى جۇمىس ىستەپ جاتىر.
بۇعان دەيىن، 3 شىلدەدە رەسەيدىڭ اۋە قورعانىس جۇيەسى ماسكەۋگە باعىتتالعان 27 دروندى جويعانى حابارلانعان. سوڭعى شابۋىلدارعا بايلانىستى ماسكەۋدەگى ۆنۋكوۆو جانە دومودەدوۆو اۋەجايلارىنىڭ جۇمىسىنا ۋاقىتشا شەكتەۋلەر ەنگىزىلدى.
ەسكە سالايىق، ماسكەۋ مەن ماسكەۋ وبلىسىنا ەڭ اۋقىمدى درون شابۋىلدارىنىڭ ءبىرى 18 ماۋسىمعا قاراعان ءتۇنى بولعان ەدى. سول كەزدە ماسكەۋ مۇناي وڭدەۋ زاۋىتى اۋماعىندا ءورت شىعىپ، «سادوۆود» بازارىنا زاقىم كەلگەنى حابارلانعان.
ال ۋكراينا بيىل ەۋرووداق نەسيەسى ەسەبىنەن الىنعان قاراجاتقا شامامەن 4 ميلليارد ەۋروعا ۇشقىشسىز ۇشۋ اپپاراتتارىن ساتىپ الۋدى جوسپارلاپ وتىر.
