رەسەيدىڭ كراسنودار قالاسىنداعى تۇرعىن ءۇي الاڭدارىنىڭ بىرىندە جاسوسپىرىمدەر ەلەكتر ساموكاتىمەن ەسكى اتكەنشەكتى اينالدىرىپ، ناتيجەسىندە ءبىر بالا مەرتىكتى، دەپ حابارلايدى "ادىرنا" ۇلتتىق پورتالى.
كراسنودار قالاسىنىڭ تۇرعىنى ەلەكترلى قۇرىلعىنى اتكەنشەك دوڭگەلەگىمەن اينالدىرىپ، ەرمەك قۋماق بولعان. اقىرىندا قاتتى اينالعان اتكەنشەكتىڭ اسەرىنەن بالانىڭ باسى اينالىپ، بۋىنى قالتىراپ، اۋرۋحاناعا جەتكىزىلدى.
وقىس وقيعا "پەرسپەكتيۆا" تۇرعىن ءۇي كەشەنىنىڭ بالالارعا ارنالعان الاڭقايىندا بولعان. بەينەكادرلاردان ەلەكتروساموكات دوڭگەلەكتەرىمەن جاسوسپىرىمدەردىڭ اتكەنشەكتى اينالدارىپ جاتقانىن كورۋگە بولادى. جەرگىلىكتى تۇرعىنداردىڭ ايتۋىنشا، جەتكىنشەكتەردىڭ "جانكەشتى" ارەكەتى ءبىرىنشى رەت بولىپ وتىرعان جوق.
"قاڭسىعان تەمىر اتكەنشەكتەن تاعى ءبىر بالا مەرتىكتى. بۇل جەردەگى ۇلكەندەردىڭ ەسكەرتۋىنە ەشكىم قۇلاق اسپايدى، ءبارى بەتىمەن كەتكەن. بالالارىڭىزعا يە بولىڭىزدارشى", - دەيدى اۋلا تۇرعىندارى.
"ادىرنا" ۇلتتىق پورتالى
