Fırýza Sháripova serbııalyq boksshydan basym tústi

2134

Máskeý qalasyndaǵy «Keńester qanaty» sport kesheninde kásipqoı boks keshi ótip jatyr. Onda qazaqstandyq sportshy Fırýza Sháripova (11-1, 6 KO) óner kórsetti. Bul týraly Sports.kz saıtyna silteme jasap "Adyrna" ulttyq portaly habarlaıdy.

Sháripova serbııalyq Sara Marıanovıchpen (7-7, 3 KO) kezdesti. Segiz raýndqa josparlanǵan jeńil salmaqtaǵy jekpe-jek tóreshilerdiń biraýyzdy sheshimimen qazaqstandyq boksshynyń jeńisimen aıaqtaldy. Osylaısha, Fırýza Sháripova profı-rıngtegi 12-inshi jeńisine qol jetkizdi.

26 jastaǵy sportshymyz úshin bul – 2020 jylǵy ekinshi kezdesý. Buǵan deıin ol tamyz aıynda Tanzanııa ókili Heppı Daýdıdi (9-7-1, 4 KO) besinshi raýndta nokaýtqa jibergen bolatyn.

Serbııalyq Sara Marıanovıch búgin óz mansabynda segizinshi ret jeńildi. Máskeýdegi boks keshin «Qazsport»telearnasy men SHAMO BOXING Youtube-arnasynan tikeleı efırden kórýge bolady.

Kesh hedlaınerleri – reseılik boksshylar Shámil Hataev (4-0, 1 KO) pen Grachıa Margarıan (7-1-1, 5 KO). Olar orta salmaqta WBA Asia chempıony tıtýly úshin aıqasady.

 

Sýret avtory Serıkjan Kovlanbaev

Pikirler
Uqsas jańalyqtar