قوعامدىق تاماقتانۋ نىساندارى دەمالىس كۇندەرى جابىلادى.
ءتيىستى قاۋلىعا ءوڭىردىڭ باس سانيتارلىق دارىگەرى ەرعالي سىدىمانوۆ قول قويدى.
29 قازان كۇنى ساعات 7.00-دەن باستاپ الماتى وبلىسىندا كارانتين ۇزارتىلادى جانە قوسىمشا شەكتەۋلەر ەنگىزىلەتىن بولادى.
تاماقتانۋ ورىندارىنا كەلۋشىلەر سانى 50-دەن 30 ورىنعا دەيىن قىسقارادى.
ەگەر كەلۋشىلەر سانى 30 ادامنان كوپ بولسا، كافەلەر، مەيرامحانالار، اسحانالار، كوفەحانالار جانە ت.ب. قىزمەتى توقتاتىلادى.
تاماقتانۋ ورىندارىندا ءبىر ۇستەلگە 4 ادامنان ارتىق وتىرماۋى كەرەك.
تاماقتانۋ وبەكتىلەرى جۇمىس كۇندەرى عانا جۇمىس ىستەي الادى.
دەمالىس جانە مەرەكە كۇندەرى-تەك تاپسىرىستاردى جەتكىزۋ ءۇشىن عانا جۇمىس ىستەيتىن بولادى.
15 ادامعا دەيىنگى كەزەكشى توپتاردى قوسپاعاندا، بارلىق مەكتەپكە دەيىنگى ۇيىمداردىڭ جۇمىسىنا تىيىم سالىنادى.
ورنالاسقان جەرىنە قاراماستان باسسەيندەردى جابىلادى.
ءبىر وتباسى مۇشەلەرىن قوسپاعاندا، ءۇش ادامنان ارتىق جۇرۋگە تىيىم سالۋ، سونداي-اق 65 جاستان اسقان ازاماتتاردىڭ كوشەگە شىعۋىنا شەكتەۋ شارالارى ءوز كۇشىندە قالادى.
سپورت وبەكتىلەرىن (فيتنەس ورتالىقتارىن، ترەناجەر زالدارىن (ورتالىقتارىن) تولتىرۋ ءليميتى 50% — دان 30% - عا دەيىن قىسقارتىلادى.
ۇلتتىق قۇرامالار مەن كلۋبتىق كوماندالار ءۇشىن سپورتتىق جاتتىعۋلارعا رۇقسات ەتىلەدى.
قر چەمپيوناتتارى مەن رەسپۋبليكالىق جارىستاردى كورەرمەندەرسىز وتكىزىلەتىن بولادى.
دەمالىس جانە مەرەكە كۇندەرى ساۋدا ورتالىقتارىنىڭ، اۋدانى 2 مىڭ شارشى مەتردەن استام ساۋدا وبەكتىلەرىنىڭ، ونداعى ازىق-تۇلىك سۋپەرماركەتتەرى مەن ءدارىحانالاردى قوسپاعاندا، جۇمىسى توقتاتىلادى.
ازىق-تۇلىك ەمەس جانە جابىق ازىق-تۇلىك بازارلارى ءۇشىن دەمالىس جانە مەرەكە كۇندەرى جۇمىس ىستەۋگە تىيىم سالىنادى.
كارانتيندىك شارالار كەزىندە جۇمىس ىستەيتىن مەملەكەتتىك ورگاندار (ۇيىمدار، كاسىپورىندار), سونداي-اق مەنشىك نىسانىنا قاراماستان كاسىپكەرلىك سۋبەكتىلەرى قىزمەتكەرلەردىڭ 60% - ىن قاشىقتىقتان جۇمىس رەجيمىنە اۋىستىرۋى ءتيىس (شتات كەستەسى 30-دان استام قىزمەتكەر بولعاندا).
“ادىرنا” ۇلتتىق پورتالى
