Qoǵamdyq tamaqtaný nysandary demalys kúnderi jabylady.
Tıisti qaýlyǵa óńirdiń bas sanıtarlyq dárigeri Erǵalı SYDYMANOV qol qoıdy.
29 qazan kúni saǵat 7.00-den bastap Almaty oblysynda karantın uzartylady jáne qosymsha shekteýler engiziletin bolady.
Tamaqtaný oryndaryna kelýshiler sany 50-den 30 orynǵa deıin qysqarady.
Eger kelýshiler sany 30 adamnan kóp bolsa, kafeler, meıramhanalar, ashanalar, kofehanalar jáne t.b. qyzmeti toqtatylady.
Tamaqtaný oryndarynda bir ústelge 4 adamnan artyq otyrmaýy kerek.
Tamaqtaný obektileri jumys kúnderi ǵana jumys isteı alady.
Demalys jáne mereke kúnderi-tek tapsyrystardy jetkizý úshin ǵana jumys isteıtin bolady.
15 adamǵa deıingi kezekshi toptardy qospaǵanda, barlyq mektepke deıingi uıymdardyń jumysyna tyıym salynady.
Ornalasqan jerine qaramastan basseınderdi jabylady.
Bir otbasy múshelerin qospaǵanda, úsh adamnan artyq júrýge tyıym salý, sondaı-aq 65 jastan asqan azamattardyń kóshege shyǵýyna shekteý sharalary óz kúshinde qalady.
Sport obektilerin (fıtnes ortalyqtaryn, trenajer zaldaryn (ortalyqtaryn) toltyrý lımıti 50% — dan 30% - ǵa deıin qysqartylady.
Ulttyq quramalar men klýbtyq komandalar úshin sporttyq jattyǵýlarǵa ruqsat etiledi.
QR chempıonattary men respýblıkalyq jarystardy kórermendersiz ótkiziletin bolady.
Demalys jáne mereke kúnderi saýda ortalyqtarynyń, aýdany 2 myń sharshy metrden astam saýda obektileriniń, ondaǵy azyq-túlik sýpermarketteri men dárihanalardy qospaǵanda, jumysy toqtatylady.
Azyq-túlik emes jáne jabyq azyq-túlik bazarlary úshin demalys jáne mereke kúnderi jumys isteýge tyıym salynady.
Karantındik sharalar kezinde jumys isteıtin memlekettik organdar (uıymdar, kásiporyndar), sondaı-aq menshik nysanyna qaramastan kásipkerlik sýbektileri qyzmetkerlerdiń 60% - yn qashyqtyqtan jumys rejımine aýystyrýy tıis (shtat kestesi 30-dan astam qyzmetker bolǵanda).
“Adyrna” ulttyq portaly
