قوستانايدا كارىزدە 3 جىل جاتقان ءمايىت تابىلدى، دەپ حابارلايدى «ادىرنا» ۇلتتىق پورتالى ءىىم ءباسپاسوز قىزمەتىنە سىلتەمە جاساپ.
12 قازاندا قوستاناي قالاسىنىڭ پب كەزەكشى بولىمىنە جەكe ءۇيدىڭ يەلەرى حابارلاسىپ، سەپتيكتەن ادامنىڭ قاڭقاسىن تاپقانىن ايتقان. ەرلى-زايىپتىلار جاعىمسىز ءيىستى سەزىپ، كəرىزدى تازارتپاق بولعان. الايدا كۇتپەگەن جاعدايعا تاپ بولىپ، تەز ارادا پوليتسياعا حابار بەرگەن.
اتالعان دەرەك قر قك 99-بابى 1-بولىگى “كىسى ءولتىرۋ” بويىنشا سدتبت-دە تىركەلدى.
تۇرعىنداردىڭ ايتۋىنشا، سەپتيك ءۇيدىڭ اۋلاسىنىڭ سىرتىندا، قورشالماعان اۋماقتا ورنالاسقان. بەتى تەمىرمەن جابىلعان، بىراق قۇلىپپەن بەكىتىلمەيدى.
ء“بىرىنشى كەزەكتە ءبىز بىرەۋ قىلمىس جاساپ، دەنەنى وسى كارىزگە تاستاپ كەتكەن دەگەن نۇسقانى قاراستىردىق”، – دەپ اتاپ ءوتتى قوستاناي قالاسىنىڭ پب كريمينالدىق پوليتسيا ءبولىمىنىڭ باستىعى ەربول قارىمساقوۆ.
كەيىنىرەك بۇل نۇسقا قاراستىرىلمادى. سەبەبى، ليۋك بوتەن ادام ونى بايقاي المايتىن جەردە ورنالاسقان. مۇنى ەسكەرگەن پوليتسەيلەر كىسى ولتىرىلگەن ۋاقىتتا وسى ايماقتا بولعان كۇدىكتىلەردى ىزدەستىرۋدى باستادى. سونىمەن قاتار، جەدەل ۋاكىلدەر ءمəيىتتىڭ جەكە باسىن انىقتاۋ جۇمىستارىن جۇرگىزدى. ءتəرتىپ ساقشىلارى ءىز-ءتۇزسىز جوعالعانداردىڭ ءتىزىمىن تەكسەردى. ولاردىڭ نازارىنا 2017 جىلدىڭ قاراشاسىنان بەرى حابار-وشارسىز جوعالىپ كەتكەن قالا تۇرعىنىنىڭ ىزدەستىرۋ ءىسى ىلىكتى. تابىلعان مəيىتتەگى كيىم قالدىقتارى دا ەر ادامنىڭ جوعالعانداعى سيپاتتاماسىنا سايكەس كەلدى.
جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى ەرلى-زايىپتىلاردىڭ ءۇش جىل بۇرىن ورتتەن كەيىن ءۇيدى قالپىنا كەلتىرۋ ءۇشىن جۇمىسشىلاردى جالداعانىن انىقتادى.
پوليتسەيلەر اتالمىش ءۇيدى جوندەۋگە قاتىسقان جۇمىسشىلاردى، كۇدىكتىلەردى قۇرىقتادى. قازىرگى ۋاقىتتا ولار قاماۋدا. تەرگەۋ امالدارى جۇرگىزىلۋدە.
«ادىرنا» ۇلتتىق پورتالى
