بۇگىن "گالەرەيا" ساۋدا ويىن-ساۋىق ورتالىعىندا ەلەكتروندىق ۇكىمەتتىڭ ءوز-وزىنە قىزمەت كورسەتۋ بۇرىشى اشىلدى، دەپ حابارلايدى «ادىرنا» ءتىلشىسى.
ەندى اتاكەنت اۋدانىنىڭ تۇرعىندارى مەملەكەتتىك قىزمەتتەردى حالىققا قىزمەت كورسەتۋ ورتالىقتارىنا بارماي-اق الا الادى.
كوروناۆيرۋستىق ينفەكتسيانىڭ تارالۋىن بولدىرماۋ جانە حقو عيماراتتارىندا ازاماتتاردىڭ جينالۋىن بارىنشا ازايتۋ ءۇشىن، "گالەرەيا" سوك-تا ءوز-وزىنە قىزمەت كورسەتۋگە ارنالعان ەكى بۇرىش جۇمىس ىستەيتىن بولادى: 1-قابات-مۇمكىندىگى شەكتەۋلى جاندار ءۇشىن. 2-قابات - الماتى قالاسىنىڭ بارلىق تۇرعىندارى ءۇشىن. جالپى سانى 8 ورىن.
ءوز-وزىنە قىزمەت كورسەتۋ بۇرىشى قازاقستان رەسپۋبليكاسى مەملەكەتتىك قىزمەت ىستەرى اگەنتتىگى الماتى قالاسى بويىنشا دەپارتامەنتىنىڭ باستاماسىمەن الماتى قالاسى بويىنشا "ازاماتتارعا ارنالعان ۇكىمەت "مك فيليالىمەن بىرلەسىپ اشىلدى.
بۇرىشتىڭ اشىلۋىنا egov.kz "ازاماتتارعا ارنالعان ۇكىمەت" مك كەاق الماتى قالاسى بويىنشا فيليالىنىڭ ديرەكتورى دانيار قىرىقباەۆ، قر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ باسقارما باسشىسى نۇرجان وزبەحانوۆ، باس مامانى ماقسات جاڭبىرشيەۆ، قر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى ۆەدومستۆا ارالىق جۇمىس توبىنىڭ مۇشەلەرى - «پودرانكي –شاراسىزدار» قوعامدىق بىرلەستىگىنىڭ ءتورايىمى عاليا توباتاەۆا، «كەڭ پەيىل» قوعامدىق بىرلەستىگىنىڭ توراعاسى اناتولي مەگاي، «ەكسپو-ديزاين» جشس وكىلدەرى جانە باسقا دا قوعامدىق ۇيىمدار مەن فرونت-وفيستەر باسشىلارى قاتىستى.
«وزىنە-ءوزى قىزمەت كورسەتۋ ايماقتارى حالىققا قىزمەت كورسەتۋ ورتالىقتارىنداعى كەزەكتى جويۋعا باعىتتالعان. بۇرىشتار ازاماتتاردىڭ حقو عيماراتتارىندا شوعىرلانۋىن بولدىرمايدى جانە كوروناۆيرۋستىڭ تارالۋ قاۋپىن ازايتادى. مۇندا كومپيۋتەرى نەمەسە ينتەرنەتى جوق ازاماتتار ەلەكتروندىق ۇكىمەت پورتالىندا قولجەتىمدى قىزمەتتەردى ءوز بەتىنشە الا الادى»، - دەپ ءتۇسىندىردى "ازاماتتارعا ارنالعان ۇكىمەت" مك كەاق الماتى قالاسى بويىنشا فيليالىنىڭ ديرەكتورى دانيار قىرىقباەۆ.
"اتالعان وزىنە-ءوزى قىزمەت كورسەتۋ بۇرىشىنا حقو ماماندارى بەكىتىلگەن. ولار ازاماتتارعا ەلەكتروندىق ۇكىمەت پورتالىندا جانە Telegram ءموبيلدى قوسىمشاسىندا جۇمىس ىستەۋ بويىنشا اقپاراتتار بەرەدى", - دەپ قوستى ول.
قازىرگى ۋاقىتتا قازاقستاندا ەلەكتروندىق مەملەكەتتىك قىزمەتتەردى ىڭعايلى الۋ ءۇشىن التى جۇزگە جۋىق، الماتى قالاسىندا 15-كە جۋىق egov ءوز-وزىنە قىزمەت كورسەتۋ بۇرىشتارى جۇمىس ىستەيدى.
گۇلۆيرا اسقار
«ادىرنا» ۇلتتىق پورتالى
