بۇگىن، 28.10.2020 جىلى الەۋمەتتىك جەلى ارقىلى Kaspi.kz قوسىمشاسىنا نۇر-سۇلتان ۋاقىتىمەن 6:53-تە كيبەرشابۋىل جاسالعاندىعى تۋرالى حابارلاما تاراي باستادى. بۇل جاعدايعا بايلانىستى Kaspi.kz-ءتىڭ ءباسپاسوز حاتشىسى ەربول ازانبەك تۇسىنىك بەردى.
Kaspi.kz-ءتىڭ ءباسپاسوز حاتشىسى ەربول ازانبەك: "Kaspi.kz قوسىمشاداعى تەحنيكالىق اقاۋلاردى رەتكە كەلتىرۋدە.
كليەنتتەردىڭ اقشالارى جەكە شوتتارىندا ساقتاۋلى تۇر.
28 قازان كۇنى Kaspi.kz قوسىمشاسىندا تەحنيكالىق اقاۋ تۋىندادى. ناتيجەسىندە كليەنتتەردىڭ شوتتارىنداعى قارجى كولەمىن قاتە كورسەتۋدە.
وكىنىشكە قاراي كارتامەن تولەم جاساۋ، بانكوماتتاردان اقشا شەشۋ، تولىقتىرۋ، تولەمدەر مەن اۋدارىمدار ۋاقىتشا قولجەتىمسىز.
كومپانيا بارلىعىن تەز ارادا قالىپقا كەلتىرۋ ءۇشىن جۇمىس جاساۋدا.
الەۋمەتتىك جەلىلەر مەن مەسسەندجەرلەردە مۇنىڭ كيبەرشابۋىل ەكەندىگى تۋرالى جالعان اقپارات تارادى. ەشقانداي كيبەرشابۋىل بولماعانىن حابارلايمىز، كليەنتتەردىڭ قاراجاتى تۇگەلدەي ءوز قالپىندا جانە اقاۋ رەتكە كەلتىرىلگەننەن كەيىن قوسىمشادا دۇرىس كورسەتىلەدى"- دەدى.
ايتا كەتەيىك، حابارلامادا پايدالانۋشىلاردىڭ جەكە شوتىنان جالپى كولەمى 78 937 374 تەڭگە اۋدارىم جاسالعاندىعى ايتىلعان. سونداي-اق بانك قوسىمشاسى بىرنەشە ساعات بويى ءوز كليەنتتەرىنە قىزمەت كورسەتە المادى. بانك كليەنتتەرى جەكە شوتتارىنان اقشا جوعالعانى جايلى ايتىپ شاعىمدانا باستاعان ەدى.
فوتو اشىق دەرەككوزدەن الىندى
"ادىرنا" ۇلتتىق پورتالى
